දැඩි මතධාරි ඉස්ලාම්වරුන්ගේ මුදලට යට නොවී අන්තවාදී “යක්ෂයන්” රජයේ ආරක්ෂක අංශ වෙත අල්ලා දීමට සහාය වුයේ සයින්දමරුදු ජනතාව බව මුස්ලිම් නායකයෙකු සිහිපත් කර දී තිබේ.
පාස්කු ඉරිදා ප්රහාරයේ සැකකරුවන් ලෙස හඳුනාගෙන ඇති කණ්ඩායමක් සයින්දමරුදු හිදී සැඟව සිටිය දී ඔවුන් පිලිබඳව ආරක්ෂක අංශ වෙත ඔත්තු ලබා දී තිබුණේ මුස්ලිම් ජාතිකයින් පිරිසක් බවයි ශ්රී ලංකා මුස්ලිම් මණ්ඩලයේ සභාපති පෙන්වා දෙන්නේ.
“මේ කණ්ඩායම කෝටියකට වැඩි මුදල් පන්දාහේ නෝට්ටු විසි කරලා, මුස්ලිම්වරුන්ගෙන් ඉල්ලීමක් කලා පාවා නොදෙන්න මෙන්න සල්ලි ගනින් කියලා. සයින්දමරුදු ජනතාව මේ කිසි දේකට යට නොවී ආරක්ෂක අංශ වලට සහයෝගය දැක්වුවා.” යැයි ශ්රී ලංකා මුස්ලිම් මණ්ඩලයේ සභාපති එම්. එන්. එම්. අමීන් කියා සිටියේය.
මුස්ලිම් ප්රජාව මෙම අන්තවාදි ක්රියාව සම්බන්ධව නොදැනුවත්ව සිටි බව කී සභාපතිවරයා උතුරෙන් මුස්ලිම් ජනතාව පලවා හැරි අවස්ථාවේ හෝ කාත්තන්කුඩිය මුස්ලිම් දේවස්ථානයට ප්රහාර එල්ල කරන ලද අවස්ථාවේදී අන්තවාදයට යොමු නොවු බව ද පැවසීය.
දැඩි මතධාරි මුස්ලිම් අන්තවාදීනගේ ක්රියාවන් මෙරට මුස්ලිම් සමාජය කිසිසේත්ම අනුමත නොකරන බව ද ලංකා මුස්ලිම් මණ්ඩලයේ සභාපතිවරයා 09 බ්රහස්පතින්දා පැවති මාධ්ය හමුවක දී අවධාරණය කළේය.
ආරක්ෂක අංහ විසින් කරන ලද සෝදිසි මෙහෙයුම් වල දී සොයා ගන්නා ලද කඩු සම්බන්ධයෙන් නිසියාකාර පරීක්ෂණයක් කර වැරදිකරවන් හට දඬුවම් ලබා දෙන ලෙස ද එම්. එන්. එම්. අමීන් වැඩි දුරටත් ඉල්ලා සිටියේය.