කොච්චිකඩේ දේවස්ථානය නැවතත් බැතිමතුන්ට විවෘතයි (VIDEO)

0

පාස්කු ඉරුදින බෝම්බයෙන් මහත් විනාශයට පත් කොටහේනේ ශාන්ත අන්තෝනි දේවස්ථානය ප්‍රහාරයෙන් පසු පළමු වතාවට බැතිමතුන් වෙනුවෙන් විවෘත කොට තිබේ.

හාස්කම් සහිත පුදබිමක් ලෙසින් කිතුනුවන් මතු නොව අන්‍යාගමිකයන්ගේද ගරු බුහුමන් ලද දේවස්ථානය 175 වසරක ඉතිහාසයක් පුරා විවර කර තිබු සිය දොරටු මුල් වරට වසා දැමුවේ බෝම්බ ප්‍රහාරයෙන් අනතුරුවය.

එයින් දෙසතියක් ඇවෑමෙන් කොච්චිකඩේ පල්ලියේ වැඳුම් පිදුම් කිරීමට බැතිමතුන්ට බලධාරීන්ගේ අවසර ලැබුනත්, ඒ සන්නද්ධ රැකවල් හා දැඩි සුපරීක්ෂාව යටතේය.

දේවස්ථානයෙන් පිටත පලංචි බැඳගෙන වැඩෙහි යෙදී සිටින කාර්මිකයන් පවසා ඇත්තේ මේ මස අගදී කොච්චිකඩේ පල්ලියේ ප්‍රතිසංස්කරණ කටයුතු නිම කිරීම තම අපේක්ෂාව බවයි.

පුරාවෘත්ත වල මෙන්ම මීසමේ වාර්තා වල ද කියැවෙන පරිද්දෙන් ශාන්ත අන්තෝනි දේවස්ථානය පිහිටුවන ලද්දේ දකුණු ඉන්දියාවේ කොචින් සිට පැමිණි අන්ටෝනියෝ පියතුමන් විසිනි.

ලන්දේසි පාලනය පැවති එසමයේ තහනම් කොට තිබූ කතෝලික දහම එතුමන් විසින් පුරුදු පුහුණු කොට ඇත්තේ රහසිගතවය.

Facebook Comments

wedding people