රන්ජන්ගේ හඬ පට නිසා වැඩ තහනම් වුණ හිටපු රහස් පොලිස් ලොක්කාට රට යන්නත් තහංචි

0
618
Ivory Agency Sri Lanka
HailHost
wedding people

හිටපු අමාත්‍යවරයෙක් සමඟ දුරකතන සංවාද පැවැත්වීම නිසාවෙන් වැඩ තහනමට ලක්ව සිටින රහස් පොලිසියේ හිටපු අධ්‍යක්ෂ ශානි අබේසේකරගේ විදේශ ගමන් වළක්වාලමින් අධිකරණය තහනම් නියෝගයක් නිකුත් කර තිබේ.

කොළඹ අපරාධ කොට්ඨාශය විසින් කරන ලද ඉල්ලීමක් සලකා බැලීමෙන් පසුව නුගේගොඩ මහේස්ත්‍රාත් අධිකරණය 08 බදාදා මෙම නියෝගය නිකුත් කළේය.

හිටපු අමාත්‍ය රන්ජන් රාමනායකගේ දුරකථන සංවාදවලට අදාළ හඬ පට සම්බන්ධයෙන් සිදුකරන විමර්ශන වලට අදාළව කොළඹ අපරාධ කොට්ඨාශය විසින් කරන ලද කරුණු වාර්තා කිරීමෙන් සලකා බැලීමෙන් පසුව අධිකරණය මෙසේ රහස් පොලිසියේ හිටපු අධ්‍යක්ෂකවරයාට විදෙස් ගමන් තහනමක් පනවා ඇත.

හිටපු අමාත්‍යවරයා සමඟ ජ්‍යෙෂ්ඨ පොලිස් අධිකාරී ශානි අබේසේකර අපරාධ පරීක්ෂණ දෙපාර්තමේන්තුවේ අධ්‍යක්ෂක ධුරය සමයේ පැවැත්වූ බව කියන දුරකතන සංවාදයක් මාධ්‍ය ඔස්සේ ප්‍රචාරය වීමත් සමඟ ඔහුගේ සේවය අත්හිටුවීමට පොලිස් කොමිෂන් සභාව තීරණය කර තිබුනි.

ශානි අබේසේකරට ඇති චෝදනා සම්බන්ධයෙන් වහාම මූලික විමර්ශනයක් සිදුකර සති දෙකක් ඇතුළත ජාතික පොලිස් කොමිෂන් සභාව වෙත වාර්තා කරන ලෙස වැඩබලන පොලිස්පති සී.ඩී. වික්‍රමරත්න වෙත නියෝග කර ඇති බවද වාර්තාවේ.

Facebook Comments

HailHost