හිටපු අමාත්‍ය රන්ජන් රාමනායක අත් අඩංගුවට ගැනිම හරහා ආණ්ඩුව රාජ්‍ය නිලධාරින් බිය ගන්වන බවට එක්සත් ජාතික පක්ෂ මන්ත්‍රීවරයෙක් අනතුරු ඇඟවීමක් කරයි.
රාජ්‍ය නිලධාරින් භීතියට පත් කර වත්මන් ආණ්ඩුව ඒකාධිපති ගමන් යාමට සැරෙසෙන බවටයි මන්ත්‍රී මුජිබර් රහුමාන් අනතුරු අඟවන්නේ.
“ජනතාව අපහසුතාවයට පත් කරන දේවල් සිද්ධ වෙනවා නම්. ජනතා විරෝධි දේවල් සිද්ධ වෙනවා නම්. ඒ රාජ්‍ය නිලදාරින් මන්ත්‍රිවරුන් දැනුවත් කරලා. ඒකට විරුද්ධව කටයුතු කරන්න කියන එක සාමන්‍ය දෙයක්. මේක තුලින් මේ අය බලාපොරොත්තු වෙන්නෙ රජයට විරුද්ධව රාජ්‍ය නිලධාරින් මේ රජයේ වැරදි දකින රාජ්‍ය නිලධාරින් ඉන්නවා නම් ඒ රාජ්‍ය නිලධාරින් යම් යම් තොරතුරු මන්ත්‍රීවරුන්ට ලබා දෙනවා නම්. ඒ ලබා දීලා ඒවා අපි විවේචනයට ලක් කරන එක නවත්වන්න රාජ්‍ය නිලදාරින්ටත් මේ ආණ්ඩුව පණිවුඩයක් ලබා දිලා තියෙන්නේ. ආණ්ඩුවේ යටතේ වැඩ කරන රාජ්‍ය නිලධාරින්ට මේ කියන්නේ උඹලත් පරිස්සමින් ඉදපල්ලා උඹලා අපේ තොරතුරු අපි කරන වැරදි දේවල් එළියට දැම්මොත් උඹලවත් අපි අත් අඩංගුවට ගන්නා දඩයම් කරනවා කියන පණිවුඩය තමයි මේ දීලා තියෙන්නේ.”
එක්සත් ජාතික පක්ෂ ආණ්ඩු සමයේදී පවා තම රජය කරන ලද වැරදි පිළිබඳව එවක විපක්ෂයේ සිටි කණ්ඩායම් වෙත රාජ්‍ය නිලධාරින් තොරතුරු ලබා දුන් බව කී මන්ත්‍රීවරයා එය සමාන්‍ය දෙයක් බවඳ සඳහන් කළේය.
ආණ්ඩුවට එරෙහි වන්නන් දඩයම් කිරිමේ මර්ධනය දැන් ආරම්භ වී ඇති බව ද එක්සත් ජාතික පක්ෂ මන්ත්‍රී මුජිබර් රහුමාන් වැඩි දුරටත් කියා සිටියේය.
Facebook Comments
