පාස්කු ප්‍රහාරය තමනට දේශපාලන වාසි ලබා ගැනීම සඳහා ඡන්ද ව්‍යාපාරයට යොදා නොගන්නා ලෙස ලංකා සභාවේ කුරුණෑගල පදවියේ රදගුරු හිමියෝ ඉදිරි මැතිවරණයට තරග වැදීමට සුදානම් වන පක්ෂ වලින් ඉල්ලා සිටිති.
එකිනෙකාට දොස් නඟමින් වාසි ලබා ගැනීමට උත්සාහ කිරීම හරහා ජන ජිවිතය අවුල් විය හැකි බවටයි කුරුණෑගල පදවියේ රදගුරු ආචාර්ය දේවප්‍රිය කීර්තිසිරි ප්‍රනාන්දු පියතුමෝ අනතුරු අඟවා සිටින්නේ.
“ඔබ කොයි පක්ෂයට අයිති වුනත් රට ගැන හිතන්න විවිධ ජාතින් සිටිනවා, විවිධ ආගම් තිබෙනවා එතකොට ඒ අයගේ යථාර්ථය තේරුම් කරලා දෙන්න උත්සාහ කරන්න. මම ඉතා කරුණිකව ඉල්ලා සිටිනවා හැම දේශපාලන පක්ෂයකින්ම වාසි නොගෙන රට ගොඩ නඟන්න, ජන ඩීවිතය ගොඩ නඟන්න ක්‍රියා කරන්න කියලා.” යැයි රදගුරු හිමියෝ පැවසීය.
පාස්කු ප්‍රහාරයට සම්බන්ධ පිරිස් මුස්ලිම් ජන සමාජයට අයත් වුවද එය සුළුතර කණ්ඩායමක් බව පෙන්වා දෙන පියතුමෝ යම් චෝදනාවක් කිරීමට පෙර කිහිප වරක් සිතා බැලිය යුතු යැයි අවධාරණය කළේය.
මනුෂයන් අතර සුහදාව ගොඩනංවා ගනිමින් රට ඉදිරියට ගෙන යාමට ක්‍රියාකල යුතු බවත් එහිදි ආගමික නායකයන් හට විශාල කාර්ය භාරයක් පැවරෙන බව ද කුරුණෑගල පදවියේ රදගුරු ආචාර්ය දේවප්‍රිය කීර්තිසිරි ප්‍රනාන්දු පියතුමෝ වැඩි දුරටත් සිහිපත් කර දුන්හ.
Facebook Comments
