කලහකාරී වු දිනේෂ්ට සතියක පාර්ලිමේන්තු තහනමක්

0

පාර්ලිමේන්තුවේ කටයුතු වලට බාධා කරමින් කලහකාරී ලෙස හැසිරුණ ඒකාබද්ධ විපක්ෂයේ නායක, පාර්ලිමේන්තු මන්ත්‍රී දිනේෂ් ගුණවර්ධන හට පාර්ලිමේන්තු කටයුතු සතියකට අත්හිටුවීමට පාර්ලිමේන්තුව තීරණය කර තිබේ.

ජාතික නිදහස් පෙරමුණේ නායක, විමල් වීරවංශ ඇතුළු එම පක්ෂයේ නියෝජිතයින්ට පාර්ලිමේන්තුවේ ස්වාධීන පක්ෂයක් හෝ කණ්ඩායමක් ලෙස නියෝජනය විය නොහැකි බවට කථානායකවරයාගේ තීන්දුව ලබාදීමත් සමග ඒකාබද්ධ විපක්ෂයේ පිරිසක් කලහකාරී ලෙස හැසිරෙන්නට වූහ.

මෙම පිරිස් පාර්ලිමේන්තු සභා ගර්භය තුළට පැමිණ පාර්ලිමේන්තුවේ කටයුතුවලට බාධා පැමිණවීම නිසා විනාඩි 10ට පාර්ලිමේන්තුව අත්හිටුවීමට ක්‍රියා කෙරුණු අතර ඉන් අනතුරුවත් අයුතු ලෙස හැසිරුණු දිනෙෂ් ගුණවර්ධන මන්ත්‍රීවරයාට පාර්ලිමේන්තු සභා ගර්භයෙන් පිටව යන ලෙස කථානායකවරයා විසින් නියෝග කලද එම නියෝගය පිළිනොගනිමින් දිගින් දිගටම කටයුතු කළ මන්ත්‍රීවරයාව ඉවත් කිරීමට පාර්ලිමේන්තු සභා ගර්භය තුළට වේත්‍රධාරී සමග පොලීසිය කැඳවීමට සිදුවිය.

ඒකාබද්ධ මන්ත්‍රීවරුන් එයට විරෝධය දැක්වු අතර තමන් ඉවත් වන්නේ තමාට එරෙහිව මන්ත්‍රීවරයෙකු විසින් යෝජනාවක් ගෙනවිත් එය පාර්ලිමේන්තුවෙන් සම්මත කළහොත් පමණක් බවයි දිනෙෂ් ගුණවර්ධන මන්ත්‍රීවරයා එහිදී කියා සිටියේ.

කෙසේ වෙතත් සභානායක ලක්ෂ්මන් කිරිඇල්ල විසින් දිනේෂ් ගුණවර්ධන පාර්ලිමේන්තුවෙන් පිටව යා යුතු බව හා සතියක කාලයක් ඔහුගේ පාර්ලිමේන්තු කටයුතු අත්හිටුවිය යුතු බවට යෝජනාවක් ගෙන ආ අතර එම යෝජනාව සභා සම්මතවීම විය.

යෝජනාවට පක්ෂව ඡන්ද 85ක් ද විපක්ෂව ඡන්ද 22ක් ද හිමිවූ අතර මන්ත්‍රීවරු 114 දෙනකු ඡන්දය අවස්ථාවේ සභා ගැබේ නොසිටියහ අතර ජනතා විමුක්ති පෙරමුණේ මන්ත්‍රීවරු තිදෙනා ඡන්දය දීමෙන් වැළකී සිටියහ.

Facebook Comments

wedding people