මගීන්ට පිටුපාන මහරගම දුම්රිය නිලධාරීන්

0

මහරගම දුම්රිය නැවතුම්පොලේදී  භාණ්ඩ ප්‍රවාහන මගීන් මුහුණ පාන ගැටලු රාශියක් සම්බන්ධයෙන් දුම්රිය මගියෙක් විසින් නියෝජ්‍ය ගමනාගමන අධිකාරි කාර්යාලය වෙත පැමිණිල්ලක් යොමු කොට තිබේ.

නියෝජ්‍ය ගමනාගමන අධිකාරි, ගමනාගමන අධිකාරි කාර්යාලය, දුම්රිය පටුමග, මරදාන ලිපිනයට මාර්තු පළමු දිනයේ ෆැක්ස් මගින් ලිපියක් යොමු කරමින් ඩබ්. එම් ප්‍රසාද් දිසානායක පැමිණිලි කර ඇත්තේ මහරගම දුම්රිය පොලේ රාජකාරියේ නිරත නිලධාරීන් විසින් මහජනතාව අපහසුතාවයට පත් කරන ආකාරයයි.

දුම්රිය මගින් භාණ්ඩ ප්‍රවාහනය කිරීමේදී ලබාදෙන අයදුම්පත සදහා පරිබාහිරව  රුපියල් විස්සක මුදලක් අය කිරීම, පාර්සල් භාර ගැනීම රාජකාරි වේලාවන් තුල ප්‍රතික්ෂ්‍රේප කිරීම, පාර්සල් කොතරම් සුරක්ෂිත ලෙස අසුරා තිබුනද බහාලුම් උර 02 ක අසුරා නොතිබේනම් ප්‍රතික්ෂ්‍රේප කිරීම ඉන් ප්‍රධාන කාරනා ලෙස ඔහු පෙන්වා දී ඇත.

මහරගම දුම්රිය නැවතුම්පොලේ රාජකාරියේ නිරත නිලධාරීන් පාර්සල් භාර දීමට පැමිණෙන මගින් නොයෙකුත් ආකාරයේ පෙළඹවීම් වලට යොමු කර රාජකාරි ඉටුකිරීම වෙනුවෙන් මුදල් ඉල්ලා සිටින බවද එහි වැඩි දුරටත් සදහන්ය.

එමෙන්ම එම දුම්රිය පොලේ ස්ථානාධිපතිවරයාගෙන් සහ  උපස්ථානාධිපතිවරයාගෙන් මගීන් තොරතුරු විමසීමේදී මගී ජනතාව වෙත ඔවුන් බැන වදින බවත් මහජනතාව ප්‍රතික්ෂ්‍රේප කිරීම් වලට ලක් වන බවත් එම ලිපියේ සදහන්ය.

තමා විසින් ඉදිරිපත් කරන චෝදනා වල සත්‍යතාවය තහවුරු කරගැනීම සදහා මහරගම හා සම්බන්ධවෙමින් භාණ්ඩ ප්‍රවාහනය කරන මගින්ගෙන් ස්වාධීනව විමසා බලන ලෙසද ඩබ්. එම් ප්‍රසාද් දිසානායක විසින් නියෝජ්‍ය ගමනාගමන අධිකාරිවරයාගෙන් ඉල්ලා තිබේ.

 

Facebook Comments

wedding people