මෙවර මැයි දිනය පැවැත්වීම සඳහා යාපනයට සිය පිරිස් කැඳවා ඇති ජනතා විමුක්ති පෙරමුණ එම ප්‍රදේශයේ ජනායාගේ ප්‍රධානතම ඉල්ලීමක් වන යුද අපරාධ විභාග කිරිම සම්බන්ධයෙන් දැඩි ලෙස විරෝධය පල කරයි.
උතුරු නැගෙනහිර හමුදා ඉවත් කිරීම යුද අපරාධ සොයා බැලීමට යුද අධිකරණ පිහිටුවීම රටේ ස්වෛරීත්වයට හානි වන දෑ යැයි පවසන පාර්ලිමේන්තු මන්ත්‍රී සුනිල් හඳුන්නෙත්ති දේශපාලන කොන්දේසි යටතේ ආර්ථික සහන ලබා නොගත යුතු බව කියා සිටි.
එම කොන්දේසි හ‍රහා ආර්ථිකයට, දේශපාලනයට හෝ රටේ මහජනයාට සහනයක් නොව බවට අප්‍රේල් මාසයේ සිට යළිත් වරක් ඇමරිකානු GSP+ බදු සහනය ශ්‍රී ලංකීය අපනයනකරුවන්ට විවෘත කිරිම සම්බන්ධව මාධ්‍ය වෙත අදහස් දක්වමින් මන්ත්‍රීවරයා මේ බව කියා තිබේ.
“GSP+ සහන අපි ලබා ගන්න ඕනේ ඇමරිකා එක්සත් ජනපදයේ යුද දේශපාලන කොන්දේසි වලට යටත්ව නෙමේ. මීට පෙර මෙතරම් දේශපාලන කොන්දේසි ඇතුලත් කර තිබුණේ නැහැ. උතුරු නැගෙනහිර මුදා ඉවත් කිරීමට දේශපාලන වශයෙන් යුද අපරාධ ගැන යුද අධිකරණ පිහිටුවීම වැනි බරපතල විදියේ රටේ ස්වෛරීත්වය දේශපාලනයට බලපාන කොන්දේසි තමයි මේ ඉදිරිපත් කරල තියෙන්නේ,” යැයි මන්ත්‍රී සුනිල් හඳුන්නෙත්ති පවසයි.
මහින්ද රාජපක්ෂ පාලන සමයේ පනවන ලදුව හත් වසරක් තිස්සේ යුරෝපා සංගමය විසින් ක්‍රියාත්මක කෙරුනු GSP+ වරණීය බදු සහන තහංචිය ඉවත් කිරීමට යුරෝපා කොමිසම පසුගිය වසරේ ජනවාරියේදී නිර්දේශ කරන ලදී.
ශ්‍රී ලංකාව විසින් සිදු කරනු ලැබු මානව හිමිකම් උල්ලංඝනය කිරීම් හේතුවෙන් අට වසරකට පෙර GSP+ බදු සහනය ලබා දීම යුරෝපා සංගමය මඟින් නවතා දමනු ලැබීය.
යුරෝපා පාර්ලිමේන්තුවේ වාමාංශික සහ හරිත මන්ත්‍රීවරුන් කණ්ඩායමක විරෝධය හමුවේ ශ්‍රී ලංකාවට යුරෝපා GSP+ සහනය නොලැබී යාමේ අවදානම හමුවේ එයට මැදිහත් වීම සඳහා ශ්‍රී ලංකා රජය වෙනුවෙන් පාර්ලිමේන්තු මන්ත්‍රී සුනිල් හඳුන්නෙත්ති ද බෙල්ජියමේ බ්‍රසල්ස් නුවරට ගොස් තිබුණි.
Facebook Comments
