සන්නද්ධ අරගල ප්‍රතික්ෂේප කරන දෙමළ ජනයාගේ අයිතීන් දිනා ගැනීමට දෙමළ සන්ධාන නායකයා ගත් උත්සාහය සුනේ සුන් වු බව ආණ්ඩුවේ සංහිඳියා ඇමැතිවරයකු ප්‍රකාශ කර තිබේ.
“එතුමාගේ බලාපොරොත්තුව සුනේ සුන් වුනා,” යි කී අමාත්‍ය මනෝ ගනේෂන් විපක්ෂ නායක කම බාර ගනිමින් දෙමළ ජාතික සන්ධාන නායකයා පෙන්වා දුන්නේ වෙනම රාජ්‍ය සංකල්පය අතහැර ශ්‍රී ලාංකික රාජ්‍යයට ඇතුල් වීම යැයි ජනතාව තේරුම් නොගැනීම ගැන කනස්සල්ල පල කළේය.
“මොනවද අපි දුන්නේ? මුකුත් නෑ. හිස් අතින් තමයි අපි යැව්වේ උතුරු නැගෙනහිරට.”
දෙමළ ජනතාව සන්නද්ධ අරගලය ප්‍රතික්ෂේප කරන බව කී ඇමැතිවරයා “උතුරු නැගෙනහිර සන්නද්ධ අරගලයක් ගැන කතා කළා නම්, නැත්නම් වෙනම රටක් සංකල්පය ගැන කතා කළා නම් මිනිස්සු පොලු අරගෙන ගහලා පන්නයි.” යනුවෙන් ජාතික ඒකාබද්ධතා අමාත්‍යවරයා සඳහන් කළේය.
ඉල්ලීම් ඉටු නොවුනොත් දෙමළ ජනතාව ආයුධ සන්නද්ධ වනු ඇතැයි දෙමළ ජාතික සන්ධාන නායකයා ප්‍රකාශ කළ බවට විකෘති ප්‍රවෘත්ති පල නොකරන ලෙස ජාතික ඒකාබද්ධතාවය භාර අමාත්‍යවරයා සිංහල මාධ්‍යවේදීන්ගෙන් ඉල්ලා සිටියේය.
එල්ටීටීඊ සංවිධානය ක්‍රියාත්මක වන සමයේ සාකච්ඡා කිරීමට ඉදිරිපත් වූ ආණ්ඩු ආයුධ බලයක් නොමැති අවස්ථාවක දෙමළ ජනතාවගේ ප්‍රශ්න විසඳීමට මැලි කමක් දක්වන බව හිටපු විපක්ෂ නායකයා සති අන්තයේ යාපනයේ වීරසිංහම් ශාලාවේ පැවති ඉලංගෙයි තමිල් අරසු කච්චි (ITAK) මහ සමුළුවේදී පවසා තිබුනි.
හිටපු විපක්ෂ නායකයා දෙමළ බසින් කළ ප්‍රකාශය “ඉල්ලීම් දුන්නේ නැතිනම් දෙමළ ජනතාව ආයුධ ගනීවී” යනුවෙන් සිංහල මාධ්‍යවේදියකු කළ පරිවර්තනය විකෘති කිරීමක් ලෙස ජාතික ඒකාබද්ධතා අමාත්‍ය මනෝ ගනේෂන් විසින් ප්‍රතික්ෂේප කරන ලදී.
Facebook Comments
