පුද්ගල තොරතුරු ඇතුලත් “ජාතික පුද්ගල නාමලේඛයක්”

0

ශ්‍රී ලංකාවේ සියලුම පුරවැසියනගේ තොරතුරු ඇතුලත් “ජාතික පුද්ගල නාමලේඛයක්” සකස් කිරීමට කටයුතු කරමින් යන බව පුද්ගලයින් ලියාපදිංචි කිරීමේ දෙපාර්තමේන්තුව පවසයි.

වයස අවුරුදු 15ට වැඩි සියලුම පුරවැසියන්ගේ ජීවදත්ත ඇගිලි සලකුණු, බිරිද, දෙමාපියන් ඇතුළු පවුලේ ළඟම ඥාතීන්ගේ තොරතුරු මෙම නාම ලේඛනයට ඇතුල් වන බවයි එම දෙපාර්තුමේන්තුවේ අධ්‍යක්ෂ ජනරාල් වියානි ගුණතිලක පවසන්නේ.

ජාතික පුද්ගල නාමලේඛනය සැකසීමේදී ප්‍රාදේශීය ලේකම් කාර්යාල හා ග්‍රාම නිලධාරීන්ගේ ද සහය ලබා ගන්නා අතර මේ කාර්ය සඳහා සෑම ප්‍රාදේශීය ලේකම් කාර්යාලයකම පුද්ගලයින් ලියාපදිංචි කිරීමේ දෙපාර්තමේන්තුවේ උප කාර්යාලය බැගින් විවෘත කරනු ඇත.

ග්‍රාම නිලධාරීන් තමන්ට අයත් ප්‍රදේශය තුල නිවෙස් වෙත ගොස් පුද්ගලයින්ගේ තොරතුරු හා ඇගිලි සළකුණු ලබගැනීමට සැලසුම් කර ඇති බව අධ්‍යක්ෂවරයා පැවසු බව රජයේ නිල වෙබි අඩවිය වාර්තා කරයි.

ශ්‍රී ලකංවේ ජීවත් වන 160,00000කට අධික වයස අවුරුදු 15ට වැඩි පුරවැසියන්ගේ සියලු තෙරතුරු මෙම ජාතික පුද්ගල නාමලේඛනයට ඇතුළත් කෙරෙන අතර 2019 වසර අවසන් වීමට පෙර එය සකස් කොට ක්‍රියාත්මක කිරීමට බලාපොරොත්තු වන බව පුද්ගලයින් ලියාපදිංචි කිරීමේ දෙපාර්තමේන්තු අධ්‍යක්ෂ ජනරාල් වියානි ගුණතිලක වැඩි දුරටත් කියා සිටියේය.

Facebook Comments

wedding people