එක්සත් ජාතික පෙරමුණු කැබිනට් මණ්ඩලයේ කිහිප දෙනෙකු අද දිනයේ සිය අමාත්‍ය ධුරවල දිවුරුම් දීමට නියමිතව ඇත.
දිවුරුම් දීමෙන් අනතුරුව 20 අඟහරුවාදා දිනම පළමු කැබිනට් හමුව පැවැත්වීමට නියමිත බවයි ජනාධිපති ලේකම් කාර්යාලය පවසන්නේ.
සිය අමාත්‍ය ධුරයෙන් ඉල්ලා අස්වු රවී කරුණානායක හට විදුලිබල සහ බලශක්ති අමාත්‍යවරයා ලෙස දිවුරුම් දෙන බවයි එක්සත් ජාතික පක්ෂය පවසන්නේ.
මුදල් සහ ජනමාධ්‍ය අමාත්‍යවරයා ලෙස නැවත වරක් මංගල සමරවීර දිවුරුම් දෙනු ලබන අතර මහනගර සහ බස්නාහිර සංවර්ධන අමාත්‍යවරයා ලෙස පාඨලී චම්පික රණවක පත් කිරීමට නියමිතය.
රජයේ වෛද්‍ය නිලධාරින්ගේ සංගමය විසින් විරෝධය එල්ල කර ඇති රාජිත සේනාරත්න අමාත්‍යවරයා නැවත වතාවක් සෞඛ්‍ය අමාත්‍යවරයා ලෙස අද දිනයේ දිවුරුම් දෙනු ඇතී.
කෙසේ වෙතත් මේතාක් අමාත්‍ය ධුර වලට අදාල විෂය පථයන් සම්බන්ධව අවසන් එකඟතාවයකට පැමිණ නැති අතර එය ගැටලු සහගත වනු ඇති බවටයි දේශපාලන ආරංචි මාර්ග පවසන්නේ.
මේ අතර තමන් කැබිනට් අමාත්‍ය ධුර ලබා නොගන්නා බවට මලික් සමරවික්‍රම, මනෝ ගනේෂන්, රිශාඩ් බදියුදීන්, තිලක් මාරපන සහ ඩී එම් ස්වාමිනාදන් යන මන්ත්‍රීවරුන් අගමැතිවරයා වෙත දැනුම් දී තිබේ.
ඉදිරි දින කිහිපය තුළ නියෝජ්‍ය හා රාජ්‍ය අමාත්‍යවරුන්ද සිය ධුර වල දිවුරුම් දෙනු ලබන බවයි එක්සත් ජාතික පක්ෂය පවසන්නේ.
Facebook Comments
