එක්සත් ජාතික පක්ෂයේ මුලිකත්වයෙන් ආරම්භ කිරීමට නියමිත ප්‍රජාතන්ත්‍රවාදි ජනතා පෙරමුණ පිළිබඳ සාකච්ඡා නව ජනවාරි මාසෙය් සිදු කිරිමට නියමිතව තිබේ.
පුළුල් සන්ධානයක් ලෙසින් ගොඩනැංවීමට සුදානම් වන නව සන්ධානයට ආගමික බලවේග, දේශපාලන පක්ෂ හා සිවිල් සංවිධාන සම්බන්ධ කර ගන්නා බවයි අමාත්‍ය මනෝ ගනේෂන් පවසන්නේ.
ප්‍රජාතන්ත්‍රවාදය අගයන සියලු බලවේග නව සන්ධානයට ඒකාරාශි කර ගැනීමට පියවර ගන්නා බවද අමාත්‍යවරයා මාධ්‍ය වෙත කියා සිටියේය.
ශ්‍රී ලංකාවේ ප්‍රජාතන්ත්‍රවාදය අපේක්ෂා කරන සිංහල, දෙමළ, මුස්ලිම්, බර්ගර් ඇතුළු සියලුම ජාතීන් නියෝජනය කරන ප්‍රබලතම බලවේගය ප්‍රජාතන්ත්‍රවාදී ජාතික පෙරමුණ වනු ඇති බවටයි අමාත්‍යවරයා විශ්වාසය පළ කරන්නේ.
මාස හයක් ඇතුළත උතුරේ පේදුරුතුඩුවේ සිට දකුණේ දෙවුන්දරතුඩුව දක්වා සියලු ජාතින්ට අයත් ජනතාව එම පෙරමුණ වටා පෙළගැස්වීමට අපේක්ෂා කරන බව මනෝ ගනේෂන් ඇමැතිවරයා වැඩි දුරටත් ප්‍රකාශ කළේය.
Facebook Comments
