උසාවියෙන්ද, පොලිසියෙන්ද සන්නද්ධ සේනාවලින්ද නැගෙන බාධා සහ අඩන්තේට්ටම් මැඩගෙන යුද්ධයෙන් මියගිය සිය ආදරණීයයන් සමරන්නට සැරසෙන උතුරු නැගෙනහිර වැසියන් දකුණේ ජනතාව අමතා සන්දේශයක් එවා තිබේ.
දෙමළ ජනතාව භක්තියෙන් හා ගෞරවයෙන් යුතුව අනුස්මරණය කරන්නට යන්නේ තමන් වෙනුවෙන් ජීවිත පරිත්‍යාග කළ නෑසිය මිතුරන් බව පිළිගන්නා ලෙස එම හැඟුම්බර පණිවිඩයෙන් ඔවුහු සිංහලයන්ගෙන් ඉල්ලා සිටිති.
නොවැම්බර් 27 දාට යෙදී ඇති මහවිරු සමරු පැවැත්වීමට විරුද්ධව උතුරේ දිස්ත්‍රික්ක කිහිපයකම අධිකරණ තහංචි ලබා ගැනීමට පොලිසිය මේ වනවිට පියවර ගෙන ඇත.
එම අවහිර හෙලා දකිමින් දෙමළ මහජන නියෝජිතයන් පාර්ලිමේන්තුවේ කරුණු දක්වා ඇති අතර තහංචි ඉවත් කර ගැනීමට අධිකරණයේ සරණ පතා තිබේ.
යුද්ධයෙන් මියගිය දහස් ගණනක් මිහිදන් කර සොහොන් කොත් ඉදිකර තිබියදී රජයේ හමුදා විසින් බිමට සමතලා කොට ඇති වන්නියේ සුසාන භූමියක් සමරුව වෙනුවෙන් ශ්‍රමදානයෙන් ශුද්ධ කරමින් සිටි ඥාතීන්ගේ තොරතුරු රැස් කිරීමට සැරසුණු යුද හමුදා සහ පොලිස් කණ්ඩායමකට අභියෝග කළ දෙමළ ජාතික ජනතා පෙරමුණේ (TNPF) නායකයකු පෙන්වා දී තිබුනේ මළවුන් සැමරීමේ අයිතියට බාධා කිරීම ජාතික මෙන්ම ජාත්‍යන්තර සම්මතයට පටහැනි බවයි.
“ඔහෙලා මරපු අය සමරන්න ඔහෙලාගෙන්ම අවසර ගන්න ඕනේදැ,” යි සෙල්වකුමාර් ගජේන්ද්‍රන් මන්ත්‍රීවරයා මාන්කුලම් මහවිරු සුසාන භූමිය හෙළි පෙහෙළි කිරීමට බාධා කළ හමුදා හා පොලිස් නිලධාරීන්ගෙන් විමසා තිබුණි.
මළවුන් සිහිපත් කිරීමේ අයිතිය තහවුරු කිරීමට හවුල් වන මෙන් ඉල්ලා උතුරේ ඥාතීන් විසින් සිංහලෙන් හා දෙමළින් ලියා දකුණට එවන ලද ආයාචනයයි මේ.
ආදරණීය සිංහල මිතුරනේ..!
අපි මේ මහ විරු දිනය සමරන්නේ රට අල්ලන්න නෙවෙයි…
ඔබේ පාර්ශවයට විරුද්ධව ආයුධ අතට ගත් බව සිහිපත් කරන්න නෙවෙයි…
ඔබේ පාර්ශවය සමග ගැටුමක් තියෙනවා කියලා සිහිපත් කරන්නත් නෙවෙයි…
ඔවුන් හැමෝම අපේ දූ දරුවන්ය…
ඒ හැමදෙනාම අපේ සහෝදරයන් ය…
ඒ හැමෝම අපේ යහළුවන්ය…
ඒ සියල්ලටත් ඉහලින් ඔවුන් අප වෙනුවෙන් ජීවිත පරිත්‍යාග කළ පිරිසකි…
ඔබතුමන් එම පිරිස නායකයන් ලෙස පිළිගන්න ඕනෑ නෑ…
ඔවුන්ට ඔබේ ගරු සත්කාර දක්වන්නත් එපා…
එහෙත්, ඔවුන් කෙරෙහි අප තුල භක්තියක් හා ගෞරවයක් තිබෙන බව පමණක් පිළිගන්න… ඒ ඇති…
ඒ සැමදෙනා අප වෙනුවෙන් ජීවිත පරිත්‍යාග කළ අය කියන යථාර්ථය පිළිගන්නා අපේ හදවත් පලුදු නොකළොත් ඒ ඇති…
එදා දවසට හිරු කිරණ පිළිගන්න පෑලදිග ලංකා ගුවන් තලය සැරසේවි…
ස්තූතියි
அன்புள்ள சிங்கள உறவுகளே..!
நாங்கள் இப்போது மாவீரர் தினத்தை நாடு பிடிப்பதற்காக நினைவுகூருவதில்லை…
உங்களுக்கு எதிராய் ஆயுதம் தூக்கினோம் என்பதை சொல்லிக்காட்ட நினைவுகூருவதில்லை…
உங்களோடு பிணக்கு இருக்கிறது என்பதை சுட்டிக்காட்ட நினைவு கூருவதில்லை…
அவர்கள் எல்லாம் எங்கள் பிள்ளைகள்…
அவர்கள் எல்லாம் எங்கள் சகோதரர்கள்…
அவர்கள் எல்லாம் எங்கள் நண்பர்கள்…
அத்தனையிலும் மேலாய் அவர்கள் எங்களுக்காக வித்தானவர்கள்…
நீங்கள் அவர்களை நாயகர்களாக ஏற்றுக்கொள்ள வேண்டாம்.
நீங்கள் அவர்களை பணிய வேண்டாம்..
ஆனால், அவர்கள்மட்டில் எங்களுக்கு பெருத்த பக்தியும் மரியாதையும் இருக்கிறது என்பதை மதியுங்கள் போதும்…
அவர்கள் எங்களுக்காக வித்தானவர்கள் என்கிற நிஜமுணர்ந்த எங்கள் மனங்களை காயப்படுத்தாதீர்கள் போதும்…
அப்போது இலங்கையில் கிழக்கு வெளிப்பதற்காக வானம் ஆயத்தமாகும்…
நன்றி
Facebook Comments
