ඉදිරි ජනාධිපතිවරණයට රාජපක්ෂවරුන් හා සටනට එක්සත් ජාතික පක්ෂයේ සජිත් ප්‍රේමදාස ඉදිරිපත් කරන බවට මංගල සමරවීර ඇමැතිවරයා ප්‍රසිද්ධ ප්‍රකාශයක් කර තිබේ.
මීළඟ ජනාධිපතිවරණයේදී රාජපක්ෂවරුන්ට නැවත හිස එසවීමට ඉඩ ලබා නොදිය යුතු බවට පවසන මුදල් ඇමැතිවරයා එසේ සිදු වුවහොත් යළි රට ඒකාධිපතීත්වයකට යොමු වන බවට අනතුරු අඟවා ඇත.
“මේ වෙලාවේ මම නම් බලන්නේ මේ බලවේගය පරාද කරන්න පුලුවන් කාටද කියලා. එක පැත්තකින් එක්සත් ජතික පක්ෂයට අවුරුදු 25 කින් තමන්ගේම ජනාධිපතිවරයෙක් ඉඳලා නැහැ.” ඇමැති මංගල සමරවීර විමල් කැටපෙආරච්චි හා කොම්රේඩ් වෙබ් අඩවියට කරන ලද සාකච්ඡාවක දී ප්‍රකාශ කළේය.
ඉදිරි ජනාධිපතිවරණය ජය ගැනිමේ ජනප්‍රියත්වය හා විශ්වාසය ඇත්තේ සජිත් ප්‍රේමදාස ඇමැතිවරයාට බවට විශ්වාසය පළ කරන මුදල් ඇමැතිවරයා වත්මන් නායක රනිල් වික්‍රමසිහගේ මඟ පෙන්වීම යටතේ ඔහුව ජනාධිපති ධුරයට පත් කරන බව කියා සිටියේය.
කෙසේ වෙතත් එක්සත් ජාතික පක්ෂය මෙතෙක් සිය ජනාධිපතිවරණ අපේක්ෂකයා සම්බන්ධව නිල නිවේදනයක් නිකුත් කර නැත.
Facebook Comments
