අදට යෙදෙන දිලීපන් සමරුවට උතුරු නැගෙනහිර පුරා දෙමළ ජනතාවට බාධා පමුණුවන පොලිසිය මුලතිව් උසාවියේ තහංචි නියෝගයක් භාරදීම සඳහා ගිය අවස්ථාවේ සුසාන භූමියකට යන ලෙස ඥාතීන් යෝජනා කර තිබේ.
දෙමළ අයිතිය වෙනුවෙන් සාමකාමී උපවාසයක යෙදී 34 අවුරුද්දකට පෙර දිවි පිදූ තිලීපන් නමින් ප්‍රකට රාසයියා පාර්තීපන් සමරුවක් පැවැත්වීමට උතුරු පළාත් සභාවේ හිටපු උප සභාපතිවරයකු සැරසෙන බවට පොලිසිය කළ පැමිණිල්ලක් අනුව උසාවිය නිකුත් කළ තහනම් නියෝගය භාර දෙන්නට ගියවිට ඔහුගේ පුත්‍රයා විසින් පොලිස් නිලධාරීන් යොමු කර ඇත්තේ සුසාන භුමිය ටය.
මුලතිව් මහේස්ත්‍රාත් ආර් සරවනරාජා විසින් තහනම් නියෝගය නිකුත් කර ඇත්තේ 2016 දී අභාවප්‍රාප්ත වූ දෙමළ ජාතික සන්ධානයේ හිටපු පළාත් සභික ඇන්ටන් ජෙගනාදන් වෙතය.
“අපේ අප්පා මැරිලා අවුරුදු පහක් වෙනවා. එයාටම උසාවි නියෝගය දෙන්න ඕනේ නම් සොහොනට එක්කගෙන යන්නම්,” යයි පොලිස් නිලධාරීන්ට කී පසු ඔවුන් හැරී ගිය බව මියගිය දේශපාලකයාගේ පුත් පීටර් ඉලන්චේලියන් පළාතේ මාධ්‍යවේදීන්ට පවසා තිබුණි.
හිටපු පළාත් සභා මන්ත්‍රී තුරෙයිරාසා රවිකරන්, හිටපු පාර්ලිමේන්තු මන්ත්‍රී එම්. කේ සිවාජිලිංගම් සහ බලහත්කාරයෙන් අතුරුදහන කරනු ලැබුවන්ගේ සංගමයේ මුලතිව් නායිකා මරියසුරේෂ් ඊශ්වරී ට විරුද්ධව අධිකරණ තහනම් නියෝගය පනවා තිබුනේ විසිනි.
මුලතිව් දිස්ත්‍රික්කයේ 25 දෙනකුට ආසන්න සංඛ්‍යාවකට එරෙහිව තිලීපන් සමරු තහංචි පනවමින් උසාවි නියෝග නිකුත් කර තිබුනේ ජනාධිපතිවරයා සංහිඳියාවට කැප වෙන බවට ලෝක නායකයන් ඉදිරියේ එක්සත් ජාතීන්ගේ මහා සභාවේදී පොරොන්දු දී තිබියදීය.
Facebook Comments
