ප්‍රගීත් අතුරුදහන් කළේ රසායනික අවි ගැන හොයපු නිසායි (VIDEO)

0

ශ්‍රී ලංකාවේ සිවිල් ජනයා විනාශ කිරීම සඳහා රසායනික අවි යොදා ගැනීම සම්බන්ධව ගවේෂණය කරමින් සිටියදී මාධ්‍යවේදී ප්‍රගීත් එක්නැළිගොඩ අතුරුදහන් කරන ලද බවට ඔහුගේ බිරිඳ විසින් ප්‍රකාශ කර තිබේ.

තම සැමියා පැහැරගෙන ගොස් මරා දමා ඔහුගේ මල සිරුර පවා අතුරුදහන් කරවීමට එම ගවේෂණය හේතුවන්නට ඇතැයි සන්ධ්‍යා එක්නැළිගොඩ 31 අඟහරුවාදා පැවති මාධ්‍ය හමුවක දී කියා සිටියාය.

“ප්‍රගීත් පළවෙනි වතාවට පැහැරගෙන යද්දි ප්‍රගීත්, රාජපක්ෂලා ගැන විවේචනය කරලා තිබ්බෙත් නැහැ ඒත් ප්‍රගීත් ශාස්ත්‍රීය නිබන්ධ කළා. ශාස්ත්‍රීය ලිපි මාලාවක් පළ කළා. ඊට අමතරව ප්‍රගීත් කළා විශේෂ කාර්යක් ඒ ලංකාවේ පොලොව මත විවිධ කාල වල විවිධ අය විනාශ කිරීම සඳහා සිවිල් ජනතාව විනාශ කිරීම සඳහා මේ රටේ විවිධ පුද්ගලයින් විසින් මේ රසායන අවි භාවිතා කරනවා, රසායන අවි භාවිතා කරලා තියෙනවා කියලා ඒ පිළිබඳ ලියපු එක හා ඒ ගැන විවිධ කණ්ඩායම් දැනුවත් කරපු එක විතරයි. බොහෝවිට ඒක පාදක වෙන්න ඇති ප්‍රගීත් පලවෙනි වතාවට පැහැර ගැනීම සම්බන්ධව.”

මාධවේදී ප්‍රගීත් එක්නැළිගොඩ මුල් වරට 2009 අගෝස්තු මාසයේ පැහැර ගෙන ඉන් දිනකට පසුව ඔහුව නිදහස් කරන ලද අතර 2010 වසරේ ජනවාරි මාසයේදී හෙතෙම පැහැරගෙන ගොස් අතුරුදහන් කරන ලදි.

එකම කණ්ඩායමක්

ඔහුව දෙවතාවේදීම පැහැරගෙන ඇත්තේ රජයේ ආරක්ෂක අංශ වල එකම කණ්ඩායමක් බව අපරාධ පරීක්ෂණ දෙපාර්තුමේන්තුව විසින් සොයා ගෙන ඇති බව හා එය ඉතා සැලසුම් සහගතව කරන ලද අපරාධයක් බවයි සන්ධ්‍යා එක්නැළිගොඩ පෙන්වා දෙන්නේ.

උතුරේ දියත් කළ යුද්ධයේදී ශ්‍රී ලංකා රජයේ හමුදාව විෂ සහිත වායු රැගත් අවි යොදාගෙන ජාත්‍යන්තර නීති උල්ලංඝනය කරමින් පහර දීම ගැන ඉතා වේදනාවෙන් යුතුව ගවේෂණය කරමින් සිටියදී මාධ්‍යවේදී ප්‍රගීත් එක්නැළිගොඩ අතුරුදහන් වු බව නව සම සමාජ නායකයා පවසයි.

ඔහුගේ අතුරුදහන් වීම සිදු කරන ලද්දේ හමුදාව විෂ සහිත වායු භාවිතා කරමින් යුද්ධ කරන බවට සාක්ෂි රැගත් ලියකියවිලිද සමග බවයි ආචාර්ය වික්‍රමබාහු කරුණාරත්න මාධ්‍යවේදී ප්‍රගීත් එක්නැළිගොඩ අනුස්මරනයක දී කියා තිබුනි.

Facebook Comments

wedding people