අතුරුදහන් සංවිධාන නායකයාට ඇමැති මැරයන්ගෙන් ප්‍රහාරයක්

නව වසර උදාවේ දී අතුරුදහන් කරවීමට එරෙහිව විරෝධතාවක් සංවිධානය කළ දෙමළ නායකයෙක් ආණ්ඩු පාක්ෂික ඇමැති ආධාරකරුවන් පිරිසගේ ප්‍රහාරයට ගොදුරු වී තිබේ.

අතුරුදහන් වුවන් සම්බන්ධ රැස්වීමකට පැමිණ ඇති කැබිනට් අමාත්‍ය ඩග්ලස් දේවානන්ද හට අතුරුදහන් වුවන්ගේ ඥාතීන් සියි විරෝධය දක්වා ඇති අතර එහිදී වව්නියා සිවිල් කමිටුවේ කැඳවුම්කරු කේ. රාජ්කුමාර් ඇමැතිවරයාගේ ආධාරකරුවන්ගේ ප්‍රහාරයට ලක්ව ඇත.

එම විරෝධතාවයේදී “දෙමළ නිදහස සඳහා වු අරගලය පාවා දුන් යුද අපරාධකරුවන් දැන් මෙහි පැමිණ ඇත්තේ නැවත එය සිදු කිරීමටය. එක්සත් ජාතීන්ගේ සංවිධානය වහාම ඔහු අත් අඩංගුවට ගත යුතුයි. එවිට සත්‍ය ඉගෙනීමට හැකි වනු ඇත,” යි දැක්වෙන පුවරු ප්‍රදර්ශනය කරමින් ඩග්ලස් දේවානන්ද අමාත්‍යවරයා හට විරෝධය දක්වා තිබේ.

මෙයට උරණ වී ඇති ඇමැති ආධාරකරුවන් විරෝධතාවය පැවති ස්ථානයට පැමිණ එය සංවිධානය කළ කේ. රාජ්කුමාර් හට පහර දී ඇත.

ඇමැති ආධාරකරුවන් මගහැර විරෝධතාව වෙනත් ස්ථානයකට ගෙන යාමට දරන ලද උත්සාහය වලකා පහරදීම සිදුකර තිබේ.

සිද්ධිය සම්බන්ධව වව්නියාව පොලිසියට පැමිණිළි කර ඇති අතර පහර කෑමට ලක්වු රාජ්කුමාර් රෝහලට ඇතුලත් කර ඇතැයි වාර්තා වේ.