සමාජ ශාලාවට පහර දීමේ සිද්ධිය සම්බන්ධව ජනපති නියමයෙන් පරීක්ෂණයක්

0

ජනාධිපතිවරයාගේ පුත්‍රයා වන දහම් සිරිසේන සම්බන්ධ බවට පැවසෙන කොළඹ රාත‍්‍රී සමාජ ශාලාවක ඇතිවූ ගැටුම සම්බන්ධයෙන් ජනාධිපතිවරයාගේ නියමයෙන් පරීක්ෂණයක් ආරම්භ කර තිබෙනවා.

අද (12) පැවති කැබිනට් තීරණ දැනුම් දීමේ මාධ්‍ය හමුවේදී මාධ්‍යවේදියෙකු නැගූ ප‍්‍රශ්නයකට පිළිතුරු ලබාදෙමින් වැඩබලන ජනමාධ්‍ය අමාත්‍ය කරුණාරත්න පරණවිතාන මේ බව පැවසීය.

අදාළ සිදුවීම සම්බන්ධව පළ වු විවිධ මාධ්‍ය වාර්තා පදනම් කරගෙන මෙම පරීක්ධණය ආරම්භ කළ බවයි අමාත්‍යවරයා පවසන්නේ.

පසුගිය සිකුරාදා ටවුන්හෝල් හි පිහිටි ක්ලික් නැමැති රාත්‍රී සමාජ ශාලාවට ප්‍රහාරයක් එල්ල වු අතර එම පහර දීමට ජනපති පුත් දහම් සිරිසේන සම්බන්ධ බවටයි මාධ්‍ය වාර්තා කර තිබුණේ.

මෙම පහර දීමෙන් එම සාමාජ ශාලාවේ සේවයේ නියුතු පුද්ගලයින් තිදෙනෙක් තුවාල ලබා රෝහල් ගත කර ඇත.

කෙසේ වෙතත් එම පහර දීමට ප්‍රභූ පුතෙක් සහභාගි වී ඇති බව සඳහන් කරමින් විවිධ මාධ්‍ය සහ විවිධ පුද්ගලයන් විසින් පටු දේශපාලන වාසි ලබා ගැනීමට උත්සාහ දරන බවයි එම සමාජ ශාලාවේ කළමණාකාරිත්වය නිවේදනයක් නිකුත් කරමින් කියා සිටියේ.

Facebook Comments

wedding people