දිවයින පුරා කොරෝනා වයිරසය පැතිරද්දි ආගමික වෛරය ඇතිවන ආකාරයේ ප්‍රකාශය අන්තර්ඡාලයට මුදා හරින ලද පුද්ගලයන් පිරිසක් සම්බන්ධව විමර්ශණයක් සිදු වෙමින් පවතින බව පොලිසිය පවසා තිබේ.
ජාතීන් අතර හා ආගම් අතර වෛරය වපුරවන සමාජ මාධ්‍ය ඔස්සේ පැතිර ගිය එවැනි ප්‍රකාශ 9ක් සම්බන්ධව අපරාධ පරික්ෂණ දෙපාර්තුමේන්තුව කටයුතු කරමින් සිටන බව නියෝජ්‍ය පොලිස්පති අජිත් රෝහණ 26 ඉරිදා මාධ්‍ය වෙත කියා සිටියේය.
“කවුරු හරි කෙනෙක් යම් ජාතීන් අතර යම් ආගම් අතර විසංවාදය ඇති කරනවා නම් වෛරය ඇති කිරීමට උත්සාහ කරනවා නම් සිවිල් හා අන්තර්ජාතික සම්මුති පනත යටතේ අවුරුදු 7ක් සිර දඬුවමක් ලබා දෙන්න පුලුවන් වරදක්. එවැනි අන්තර්ඡාලය හරහා සැරිසැරු ප්‍රකාශන 9ක් සම්බන්ධයෙන් අපරාධ පරික්ෂණ දෙපාර්තුමේන්තුව විමර්ශණ ආරම්භ කරලා තියෙනවා.”
එවැනි වෛරක්කාරි ප්‍රකාශ පළ කරන පුද්ගලයන් මෙන්ම ඒවා බෙදා හරින පුද්ගලයන්ද අත් අඩංගුවට ගන්නා බවයි නියෝජ්‍ය පොලිස්පතිවරයා වැඩි දුරටත් කියා සිටියේ.
Facebook Comments
