කොළඹ විශ්වවිද්‍යායේ ශාස්ත්‍ර පීඨයේ 02,03 සහ 04 යන වසර වල සිසුන්ට විශ්වවිද්‍යාල භූමියට ඇතුළුවීම තහනම් කර ඇත.
එම වසර වල අධ්‍යයන කටයුතු ද තාවකාලිකව නතර කර ඇති බවයි උප කුලපති ජ්‍යෙෂ්ඨ මහාචාර්ය ලක්ෂ්මන් දිසානායක පවසන්නේ.
ශාස්ත්‍ර පීඨයේ සිසුන් දෙපිරිසක් අතර ඊයේ(8) රාත්‍රී ගැටුමක් හටගත් අතර ඉන් තුවාල ලැබූ සිසුන් සිව් දෙනෙකු ප්‍රකාර සඳහා කොළඹ ජාතික රෝහලට ඇතුළත් කර තිබේ.
විශ්වවිද්‍යාලයේ ශිෂ්‍ය නිලවරණය හේතුවෙන් මෙම ගැටුම හටගෙන ඇති බවයි ශාස්ත්‍ර පීඨයේ පරිපාලනය සඳහන් කරන්නේ.
මෙම ගැටුමත් සමඟ කොළඹ විශ්වවිද්‍යාලයේ ශාස්ත්‍රපීඨයේ නේවාසිකාගාර වල සිටි සිසුන්ද ඉන් ඉවත් කිරීමට පියවර ගත් බව ජ්‍යෙෂ්ඨ මහාචාර්ය ලක්ෂ්මන් දිසානායක පැවසු අතර ශාස්ත්‍ර පීඨයේ පළමු වසරේ අධ්‍යයන කටයුතු සාමාන්‍ය පරිදි සිදුවන අතර අනෙක් පීඨ වල අධ්‍යයන කටයුතුද බාධාවකින් තොරව සිදුකරන බව විශ්වවිද්‍යාල පාලනාධිකාරිය කියා සිටියේ.
Facebook Comments
