ව්‍යවස්ථා විරෝධී ලෙස ජනාධිපතිවරයා විසින් මහින්ද රාජපක්ෂ අගමැති ධුරයට පත් කිරිමෙන් පසුව මහින්ද පාර්ශවය සමඟ එක්වු එක්සත් ජාතික පක්ෂයේ මන්ත්රීවරු පස් දෙනෙකු පක්ෂයෙන් ඉවත් කර තිබේ.
එක්සත් ජාතික පක්ෂය නියෝජනය කරමින් පාර්ලිමේන්තුවට තේරී පත් වූ විජේදාස රාජපක්ෂ, දුනේෂ් ගන්කන්ද, එස් බී නාවින්න, අශෝක් ප්‍රියන්ත සහ ආනන්ද අලුත්ගමගේ මෙලෙස එජාපයෙන් නෙරපා ඇත.
පක්ෂයේ ව්‍යවස්ථාව උල්ලංඝණය කරමින් විනය කිරිමේ චෝදනා මත ඔවුන් පක්ෂයෙන් ඉවත් කළ බවයි එක්සත් ජාතික පක්ෂ මහලේකම්වරයා පැවසීය.
එක්සත් ජාතික පක්ෂයෙන් ඉවත් කළ බවට වන ලිපි අදාළ මන්ත්‍රීවරුන් පස්දෙනා වෙත අද ලියාපදිංචි තැපෑලෙන් යැවූ බව ද පක්ෂ මහ ලේකම් අකිල විරාජ් වැඩිදුරටත් සඳහන් කළේය.
Facebook Comments
