සෝදිසි මෙහෙයුම් වලදී හමුවන කඩු සහ තියුණු ආයුධ සම්බන්ධයෙන් ලන්දේසී සටන වාර්තා කරන්නා සේ වාර්තා පළ කර ජනතාව බිය ලැන්විමෙන් වළකින්නයි යුද හමුදාපතිවරයා මාධ්‍යයෙන් ඉල්ලීමක් කර තිබේ.
හමුවන ආයුධ පිළිබඳව අනවශ්‍ය බියක් ඇති කර ගත යුතු නැති බව පවසන යුද හමුදාපති ලූතිතන් ජෙනරාල් මහේෂ් සේනානායක පෙන්වා දෙන්නේ එසේ හමුවන බොහෝ කඩු පෞරාණික හා මළ කෑ ඒවා බවයි.
ශ්‍රී ලාංකිකයන් යනු විජය රජුගේ යුගයේ සිටම කඩු වලින් සටන් කල ජාතියක් බව සිහිපත් කර දෙන යුද හමුදාපතිවරයා නිවෙස්වල කඩු හෝ වෙනත් තියුණු ආයුධ තිබීම පුදුමයක් නොවන බව පෞද්ගලික ගුවන් විදුලි නාළිකවකට ප්‍රකාශයක් දෙමින් පවසා ඇත.
ජාතික තවුහිද් ජමාත් සංවිධානයට අදාළව මේ දක්වා හමුවී ඇත්තේ ටී 56 ගිනි අවි 01 පමණක් බව ද යුද හමුදාපතිවරයා පැවසීය.
එබැවින් බිම වැටී තිබෙන අජීවී පතරොම් හෝ බෝර 12 ගිනි අවියක් පෙන්වමින් සිදුකරන රඟපෑම් නවත්වන ලෙසයි යුද හමුදාපති ලූතිතන් ජෙනරාල් මහේෂ් සේනානායක මාධ්‍ය ආයතන වලින් වැඩි දුරටත් ඉල්ලා සිටින්නේ.
Facebook Comments
