‘රජයේ වැඩ පිළිවෙල ගැන මානව හිමිකම් කොමසාරිස් සතුටින්’ ජනපති | VIDEO

0
654
Ivory Agency Sri Lanka
HailHost
wedding people

ශ්‍රී ලංකාවේ රජය පවත්වාගෙන යන වැඩ පිළිවෙල ගැන එක්සත් ජාතීන්ගේ මානව හිමිකම් පිලිබඳ මහ කොමසාරිස් වරයා සිය සතුට තමන් හා පල කළ බව ජනාධිපති වරයා නිව්යෝර්ක් නුවරදී ශ්‍රී ලංකාවේ මාධ්‍ය වේදීන් හමුවේ ප්‍රකාශ කර සිටියේය.

රාජ්‍ය නායකයන් කිහිපදෙනකු හමුවීමෙන් අනතුරුව ජනාධිපති මෛත්‍රිපාල සිරිසේන තමා නවාතැන්ගෙන සිටින ලෝස් රිජන්සි හෝටලය වෙත ආවේ සිනා මුසු මුහුණින් යුතුවයි.

මානව හිමිකම් කොමස්සරිවරයා සමඟ වූ හමුව පිළිබඳව වැඩිදුරටත් අදහස් දැක්වූ ජනාධිපතිවරයා එක්සත් ජාතින්ගේ මානව හිමිකම් කොමසාරිස්යි සෙයිඩ්  රාද් අල්  හුසේන් සහ ශ්‍රී ලංකාව අතර කිසිදු ඇත්විමක් හෝ ගැටලුවක් නොමැති බවත් ශ්‍රී ලංකාවේ දැනට කෙරෙන මානව හිමිකම් පිලිබඳ කරුණු පිළිබඳව සතුටට පත්වන බව ප්‍රකාශ කළ බව සඳහන් කළේය.

එසේම ශ්‍රී ලංකා වත්මන් රජය ගෙන යන වැඩපිළිවෙල පිළිබඳව තමා හමුවූ බොහෝ රාජ්‍ය නායකයින් පසසමින් කතාකළ බවද ප්‍රකාශ කර සිටියේය.

ශ්‍රී ලංකා ජනාධිපතිවරයා අඟහරුවාදා (20) උදැසන ඉන්දීය විදේශ කටයුතු අමාත්‍ය එම ජේ අක්බර් සහ ඕස්ට්‍රේලියානු අග්‍රාමාත්‍ය මැල්කම් ටර්න්බුල් සමඟ ද්විපාර්ශ්වික සාකච්ඡා පැවැත්වුවේය.

එම අවස්ථාවට මංගල සමරවීර, අර්ජුන රණතුංග, ගයන්ත කරුණාරත්න, අජිත් පි පෙරේරා , මහින්ද සමරසිංහ යන අමාත්‍යවරුන් ද එක්ව සිටියහ.

මීට අමතරව එක්සත් ජාතීන්ගේ මහලේකම්වරයා 71 වන සැසිවාරයට එක්වන රාජ්‍ය නායකයන් වෙනුවෙන් පවත්වන ලැබූ දිවා භෝජනයටද ශ්‍රී ලංකා ජනාධිපතිවරයා එක්වූ අතර එහිදී එක්සත් ජාතීන්ගේ මහලේකම්, ජනාධිපති බරක් ඔබාමා සහ කැනඩා අග්‍රාමාත්‍ය ජස්ටින් ට්රුඩෝ ද ශ්‍රී ලංකාව ගෙනයන වැඩ පිළිවෙල ගැන පැසසුමට ලක් කළ බව ශ්‍රී ලංකා ජනාධිපතිවරයා මාධ්‍යවේදීන් හමුවේ ප්‍රකාශ කළේය.

එක්සත් ජාතීන්ගේ මහා මණ්ඩල 71වන සැසි වාරයේ දෙවන දිනය වූ අද (20) ඇමෙරිකානු ජනාධිපති බරක් ඔබාමා සහ එක්සත් ජාතීන්ගේ මහා ලේකම් බෑන් කි මුන් සම සභාපතිත්වයෙන් සරණාගතයන් පිළිබඳව විශේෂ සමුළුවක් පැවැත්විණි.

රටවල් 193ක රාජ්‍ය නායකයන් සහ විශේෂ නියෝජිතයන් මෙම සමුළුවට එක්ව සිටියහ.

මෙය ඇමෙරිකානු ජනාධිපතිවරයා සිය ධුරයේ සිටිමින් සිය ප්‍රධානත්වයෙන් පවත්වනු ලැබූ අවසන් සමුළුවයි.

(Radiogagana)

Facebook Comments

HailHost