වැඩිම ජන්ද නීති කැඩීම් ගම්පහෙන්

0

පලාත් පාලන මැතිවරණයට අදාළව වැඩිම මැතිවරණ නීති උල්ලංඝනය කිරිම් සම්බන්ධව පැමිණිළි ප්‍රමාණයක් ගම්පහ දිස්ත්‍රික්කයෙන් වාර්තා වී බව ජාතික මැතිවරණ කොමිසම පවසනවා.

එම කොමිසම පවසන්නේ මේ දක්වා ලැබී ඇති පැමිණිළි 122 න් පැමිණිළි 17ක් ගම්පහ දිස්ත්‍රික්කයට අදාළව ලැබී ඇති බවයි.

කොළඹ දිස්ත්‍රික්කයෙන් පැමිණිලි 15 ක් ලැබි ඇති බවද එම කොමිසම පවසනවා.

ලැබුණු පැමිණිලිවලින් බහුතරයක් භාණ්ඩ බෙදා දීම හා කටවුට් හා බැනට් ප්‍රදර්ශනය කිරීම වැනි සිද්ධීන්ට සම්බන්ධ බව මැතිවරණ කොමිසම කියා සිටියේය.

මෙම සෑම පැමිණිල්ලක් සම්බන්ධයෙන්ම අදාළ අවස්ථාවේදීම පොලිසිය සම්බන්ධ කර ගනිමින් අවශ්‍ය ක්‍රියාමාර්ග ගත් බව කොමිසම සඳහන් කළේ ය.

මේ අතර මැතිවරණය ආශ්‍රිතව පොලිස් මැතිවරණ කාර්යාංශයට මේ වනවිට ලැබී ඇති පැමිණිලි සංඛ්‍යාව 32 කි.

කැෆේ සංවිධානයට මැතිවරණයට අදාළව පැමිණිළි 93 ක් මේ වනවිට වාර්තා වී ඇති අතර පැෆ්රල් සංවිධානයට පැමිණිළි 89 ක් ලැබී ඇති බව එම සංවිධාන පවසයි.

Facebook Comments

wedding people