අපරාධ චෝදනා ලබන හිටපු හමුදා ලොක්කන්ට ජනපතිගෙන් ඉහලම සැලකිලි

0

රාජපක්ෂ පාලන සමයේ අපරාධ සම්බන්ධයෙන් චෝදනා ලබා ඇප නියම වී සිටින හිටපු නාවික හමුදා සෙන්පතියකුට හා මුල්‍ය චෝදනා ලබා සිටින හිටපු ගුවන් හමුදා ප්‍රධානිකුට ජනාධිපතිවරයා විසින් ඉහලම තනතුරු ලබා දී තිබේ.

කොළඹ හා තදාසන්න ප්‍රදේශ වලින් පුද්ගලයන් පිරිසක් පැහැරගෙන යාමේ සිද්ධියට සැක පිට ඇප ලබා සිටින විශ්‍රාමික නාවික හමුදාපති වසන්ත කරන්නාගොඩ තරු පහේ අද්මිරාල්වරයකු (අද්මිරාල් ඔෆ් ද ෆ්ලීට්) ලෙස උසස් කරනු ලැබ ඇත.

හිටපු නාවික හමුදාපතිවරයා තරු 5 තනතුරකට උසස්වීමක් ලද පළමු ශ්‍රී ලාංකික නාවික හමුදා නිලධාරීයා වේ.

මේ අතර රාජපක්ෂ පාලනයේදී සිදුවු මිග්යානා ගනුදෙනුවේ සිදුව ඇති මුල්‍ය අක්‍රමිකතා වලට සම්බන්ධ බවට සැක කෙරෙන විශ්‍රාමික ගුවන් හමුදාපති එයාර් චීෆ් මාර්ෂල් රොෂාන් ගුණතිලක ගුවන් හමුදාවේ මාර්ෂල් වරයා (මාර්ෂල් ඔෆ් ද එයාර් ෆෝස්) ලෙස උසස් කර ඇත.

එම නිලයට පත් කරනු ලැබු පළමු නිලධාරියා ලෙස හිටපු ගුවන් හමුදාපති එයාර් චීෆ් මාර්ෂල් රොෂාන් ගුණතිලක ඉතිහාස ගතවේ.

මෙම තනතුරු දෙකම ආරක්ෂ අංශ වල නිලධාරියකුට ලැබෙන ඉහලම තනතුරු වෙයි.

Facebook Comments

wedding people