එක්සත් ජාතික පක්ෂයේ නායක, අගමැති රනිල් වික්‍රමසිංහ සහ නියෝජ්‍ය නායක, අමාත්‍ය සජිත් ප්‍රේමදාස අතර පැවති හමුවේදී ජනපති අපේක්ෂකත්වය පිළිබඳව එකඟතාවයකින් තොරව අවසන් වී තිබේ.
පාස්කු ප්‍රහාර සොයා බැලීමට පත් කරන ලද පාර්ලිමේන්තු කාරක සභාවේ සාක්ෂි දීමෙන් අනතුරුව අගමැතිවරයා හා සජිත් ඇමැතිවරයා හමුව අරලිය ගහ මන්දිරයේදී සිදුවු අතර එම සාකච්ඡාව ඔවුන් දෙදෙනා අතර පමණක් පැවතීම විශේෂත්වයකි.
ජනාධිපති අපේක්ෂකයා ලෙස ඉදිරිපත්වීමට සුදානම් බව අගමැතිවරයාට දැනුම් දී ඇති අමාත්‍ය සජිත් ප්‍රේමදාස ඒ සඳහා පක්ෂයේ හා වෙනත් දේශපාලන පක්ෂ කණ්ඩායම් රැසක සහය තමාට ඇතැයි සඳහන් කර තිබේ.
එහෙත් එය ප්‍රතික්ෂේප කර ඇති අගමැතිවරයා පක්ෂයේ කෘත්‍යාධිකාරී මණ්ඩලයේ හා මන්ත්‍රී කණ්ඩායමේ සාමාජිකයින් බහුතරයේ මෙන්ම සුළු ජාතික පක්ෂවල සහයෝගය ඇත්තේ තමන්ට බව අවධාරණය කර ඇති බවයි ආරලිය ගහ මන්දිර ආරංචි මාර්ග පවසන්නේ.
කෙසේ වෙතත් අගමැතිවරයා හා සජිත් ඇමැතිවරයා අතර පැවති සාකච්ඡා එකඟතාවයකින් අවසන් වී ඇත්තේ ඉදිරි දිනයක දී නැවත හමුවේ අදහස ඇතිව බවයි දේශපාලන ආරංචි මාර්ග වැඩි දුරටත් සඳහන් කරන්නේ.
Facebook Comments
