කතෝලික හා මෙතෝදිස්ත වන්දනාස්ථාන දෙකකට ප්‍රහාර (VIDEO)

0

පාස්කු ප්‍රහාරයෙන් විනාශයට පත්ව ප්‍රතිසංස්කරණය කෙරුනු කටුවාපිටිය දේවස්ථානයට යාබද දේව ප්‍රතිමාවකට ගල් ප්‍රහාරයක් එල්ල වෙද්දී මහිංයගනයේ පිහිටි මෙතෝදිස්ත දේවස්ථානයට දැඩි මතධාරී බෞද්ධ භික්ෂුන්ගේ ප්‍රහාරයකට ලක්ව තිබේ.

මහියංගනයේ පිහිටි තරුණ පුජකයන් වෙසෙන මෙතෝදිස්ත දේවස්ථානයකට 04 ඉරිදා දැඩි මතධාරී බෞද්ධ භික්ෂුන් පෙරටුකරගත් මැර ප්‍රහාරයක් එල්ල වු බව මෙතෝදිස්ත අගරදගුරු හිමියෝ ප්‍රකාශ කරයි.

දේවස්ථානයේ දේශනාව පවත්වමින් සිටි පුජකයා හට බෞද්ධ භික්ෂුන් තිදෙනෙකු පහර දෙනු ප්‍රදේශයේ විහාරස්ථානය බාර නායක හිමියන් බලා සිටි බවටයි අගරදගුරු ආසිරි පී පෙරේරා චෝදනා කරන්නේ.

“භික්ෂූන් වහන්සේලා තිදෙනෙක් එහි දේශනයක් පවත්වමින් සිටි සිසුවාට හිරිහැර කොට පහර දෙමින් ඔහුගේ අනන්‍යතාවය පිළිබඳ තොරතුරු ඉල්ලා සිටි භික්ෂූන් වහන්සේලා තිදෙනා ඔහුගේ හිසට, බඩට හා කොඳු ඇට පෙළට පහර දී තිබේ.” යැයි අගරදගුරු හිමියන් සමාජ ඡාලා ඔස්සේ ප්‍රසිද්ධියට පත් කර ඇත.

සිද්ධිය සම්බන්ධයේ හසලක පොලිසියේ පැමිණිළි කළ බව අගරදගුරු ආසිරි සී පෙරේරා පියතුමන් පවසන අතර මේ දක්වා සැක පිට කිසිවෙකුත් අත්අඩංගුවට ගත් වගක් දැනගන්නට නැත.

මෙතෝදිස්ත වන්දනාකරුවන් හට අජන්තේට්ටම් සිදු වු පළමු අවස්ථාව මෙය නොවන බව පවසන අගරදගුරු හිමියන් සිද්ධිය පිළිබඳව අගමැතිවරයාට ද පැමිණිළි කළ බව කියා සිටියේය.

මේ අතර පාස්කු ඉරිදා බෝම්බ ප්‍රහාරයට ලක්වු කටුවාපිටිය ප්‍රදේශයේ ඉදිරිකර ඇති සාන්ත සෙබස්තියන් මුනිතුමන්ගේ දේව ප්‍රතිමාවකට 06 අඟහරුවාදා උදෑසන ගල් ප්‍රහාරයක් එල්ල කර තිබේ.

ප්‍රහාරයෙන් දේව ප්‍රතිමාව ආවරණය කර ඇති විදුරුවට සුලු හානි වී ඇති අතර ප්‍රතිමාවට කිසිඳු හානියක් සිදුව නොමැත.

කෙසේ වෙතත් ප්‍රහාරයට ලක්වු ප්‍රතිමාව අසලට රැස්වු ප්‍රදේශයේ ජනතාවට විරෝධතාවයක් පවත්වා ඇති අතර ප්‍රදේශයට සන්නද්ධ ආරක්ෂ අංශ යොදාව තිබෙනු දැකගත හැකි වු බව අප වාර්තාකරුවකු කියා සිටියේය.

ප්‍රහාර එල්ලවු ප්‍රතිමාව නිරීක්ෂණයට පැමිනි රදගුරු මැල්කම් රංජිත් කාදිනල් හිමිපාණන් විරෝධතාවයේ නිරත පිරිස කටුවාපිටිය දේවස්ථානයට කැඳවා ඔවුන් අමතා තිබුනි.

Facebook Comments

wedding people