හම්බන්තොට, මිරිජ්ජවිල දක්ෂිණ සංවර්ධන වැඩසටහන එළිදැක්වීමට නියමිත හම්බන්තොට උත්සව භූමියේ විරෝධතාවයක් හේතුවෙන් මේ වන විට උණුසුම් තත්ත්වයක් ඇතිව ඇති අතැ එය පාලනය කිරීම සඳහා පොලිසිය විසින් අධි පීඩන ජල හා කඳුළු ගෑස් ප්‍රහාර යොදා ගෙන ඇත.
ආයෝජන ප්‍රවර්ධන කලාපයට අයත් මෙම පරිශ්‍රයේදී උද්ඝෝෂකයින් සහ තවත් පිරිසක් අතර උණුසුම් තත්ත්වයක් ඇති වූ බවත් එය පාලනය කිරීමට ජල හා කඳුළු ගෑස් ප්‍රහාර යොදා ගත් බවයි පොලිසිය පවසන්නේ.
කෙසේ වෙතත් ශ්‍රී ලංකාවේ දකුණු කලාපයේ ක්‍රියාත්මකවන සුවිශාල සංවර්ධන ව්‍යාපෘතිය වන ශ්‍රී ලංකා- චීන කර්මාන්ත කලාපය විවෘත කිරීම අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් සිදු කර තිබේ.
මෙම විරෝධයතාවය සඳහා ඒකබද්ධ විපක්ෂය නියෝජනය කරන උදය ගම්මන්පිල හා ශෂින්ද්‍ර රාජපක්ෂද සහභාගී වී සිටිනු දක්නට ලැබුණු බවයි අප වාර්තාකරුවන් පවසන්නේ.
(දර්ශන අනුග්‍රහය – සිරස)
Facebook Comments
