විශිෂ්ඨ ප්‍රතිළුල සහිතව උසස් පෙළ ප්‍රතිළුල නිකුත් වෙයි

2016 අ.පො.ස(උ/පෙ)ප්‍රතිඵල නිකුත් කර ඇති අතර විභාග දෙපාර්තමේන්තුවේ නිල වෙබ් අඩවිය වන http://www.doenets.lk වෙත පිවිසීමෙන් එකී ප්‍රතිඵල දැන් ලබාගත හැකිය.

විභාග දෙපාර්තමේන්තුව පැවසුවේ ප්‍රතිඵල ලබාගැනීම සඳහා දක්වා ඇති ස්ථානයේ නිවැරදි විභාග අංකයම ඇතුළත් කරන ලෙසයි විභාග අංකය වැරදි ලෙස සඳහන් කළහොත් නිවැරදි ප්‍රතිඵල ලබාගත නොහැකි බවටද අවධාරණය කර තිබේ.

මීට අමතරව ඩයලොග් සිම් පතක් භාවිතා කරනු ලබන ජංගම දුරකථන මගින් Exam යනුවෙන් ටයිප් කොට (Space)තබා තම විභාග අංකය ටයිප් කොට 7777ට යොමු කිරීමෙන් ප්‍රතිඵල ලබාගත හැකිය.

මේ පිළිබද වැඩිදුර විමසීමක් අවශ්‍ය නම් 1911 ක්ෂණික ඇමතුම් අංකයට ඇමතිය හැකිය.

2016 උසස් පෙළ විභාගය ඉකුත් අගෝස්තු මස 2 වෙනිදා සිට 27 වෙනිදා දක්වා පැවැත්වු අතර ඊට පෙනී සිටි මුළු අයදුම්කරුවන් ගණන තුන් ලක්ෂ පහළොස් දහසකට ආසන්නය.
උසස් පෙළ හපන්නු මෙන්න

අ.පො.ස(උ/පෙ) ප්‍රතිඵල අනුව වානිජ අංශයෙන් දිවයිනේ පළමුවැනියා වී ඇත්තේ කොළඹ ආනන්ද විද්‍යාලයේ අකලංක රාජපක්ෂ සිසුවාය. ශාන්ත ජෝශප් විද්‍යාලයේ වින්දුලා පෙරේරා එම අංශයේ දෙවන ස්ථානයද, හිඟුරක්ගොඩ ආනන්ද බාලිකා විද්‍යාලයේ නිපුනි රූපසිංහ සිසුවිය තෙවන ස්ථානයද ලබාගෙන තිබේ.

කලා අංශයේ පළමු ස්ථානය ලබාගෙන ඇත්තේ මහනුවර උසස් බාලිකා විද්‍යාලයේ ඉන්දීවරී ගවරම්මන සිසුවියයි. කලා අංශයේ දෙවන ස්ථානය, කොළඹ හින්දු විද්‍යාලයේ පී.කුරුපරේෂන් සිසුවාටද, තෙවන ස්ථානය, කිරිබත්ගොඩ විහාරමහාදේවි විදුහලේ අමන්දා පාරමී සිසුවියද ලබාගැනීමට සමත්ව ඇත.

චුන්නාකම් විදුහලේ ජේ.කනකසුන්දරම් සිසුවා මෙවර උසස් පෙළ විභාගයේ ඉංජිනේරු තාක්ෂණවේදී විෂය ධාරාවේ පළමු ස්ථානයට පත්ව ඇති අතර මාතලේ විද්‍යා විදුහලේ නිසල් කොබ්බෑකඩුව සිසුවා දෙවන ස්ථානයටද, ගම්පහ රත්නාවලී බාලිකා විද්‍යාලයේ ඒ.රණතුංග සිසුවිය තෙවන ස්ථානයද දිනාගෙන තිබේ.

ජෛව තාක්ෂණවේදී විෂය ධාරාවෙන් දිවයිනේ පළමු ස්ථානයට පත්ව ඇත්තේ කෑගල්ල ස්වර්ණ ජයන්ති බාලිකා විද්‍යාලයේ මලිති දිල්රංගි සිසුවියයි. එම අංශයේ දෙවන ස්ථානය කොළඹ දේවි බාලිකා විද්‍යාලයේ එම්.තත්සරණී සිසුවිය විසින් ලබාගෙන ඇති අතර ඔඩ්ඩමාවඩි විදුහලේ ඉල්යාස් ෆාතිමා තෙවන ස්ථානය ලබා ගැනීමට සමත් විය.