බංග්ලාදේශයේ තෙදින රාජ්‍ය සංචාරයක නිරත ජනපති මෛත්‍රීපාල සිරිසේන බංග්ලාදේශයේ ජාතික විරු ස්මාරකය වෙත පුෂ්පෝපහාර දැක්වීය.
1971 බංග්ලාදේශ ජාතික නිදහස් සටනේ විරුවන් සැමරීමට ඉදිකර ඇති මෙම රණවිරු ස්මාරකය සවාර් ප‍්‍රදේශයේ ස්ථාපිත කර තිබේ.
සිය සංචාරය සනිටුහන් කරමින් එහි පැළයක් රෝපණය කළ ජනාධිපතිවරයා විශේෂ අමුත්තන්ගේ පොතේ සමරු සටහනක් ද තැබු බව ජනාධිපති මාධ්‍ය ඒකකය පවසයි.
ඉන් අනතුරුව ජනාධිපතිතුමා ඇතුළු දූත පිරිස බංග්ලාදේශයේ බංගබන්දු අනුස්මරණ කෞතුකාගාරය නැරඹීමට එක් විය.
බංග්ලාදේශ අගමැතිණි ෂෙයික් හසීනාගේ පියාණන් වන බංගබන්දු ෂෙයික් මුජිබර් රහමන් සිහිපත් කරමින් ඔහු ජීවත් වූ නිවසේ මෙම කෞතුකාගාරය පවත්වාගෙන යනු ලබයි.
කෞතුකාගාරය වෙත පැමිණි ජනාධිපතිතුමා බංග්ලාදේශ අගමැතිණි ෂෙයික් හසීනාගේ දියණිය විසින් පිළිගෙන ඇත.
Facebook Comments
