එක්සත් ජාතික පක්ෂය 2015 දී රට බාර ගත්තේ නැවතත් රට හොරෙකුගේ අතට පත් වීමට නොව මහජනයා සතු කිරීමට බවට පාර්ලිමේන්තු මන්ත්‍රී හෙක්ටර් අප්පුහාමි ප්‍රකාශ කර තිබේ.
කෙසේ වෙතත් ගෙවී ගිය වසර පහක කාලය තුල ජනතාව වෙනුවෙන් සුදානම් කළ වැඩ කොටස සම්පුර්ණ කිරීමට නොහැකි වුයේ ඇති වු බාධා නිසාවෙන් බව මන්ත්‍රීවරයා හලාවත පැවති ජන හමුවක දී කියා සිටියේය.
“මඟදි ගොඩක් දේවල් අපිට හරස් වුනා. එ් හරස් වීම නිසා බොහෝ දේවල් මඟ නතර වුනා. හැබැයි ඒ නතර කරපු දේවල් වලින් අපේ ගමන නතර කරන්න බැරුව ගියා.” පුත්තලම් දිස්ත්‍රික් මන්ත්‍රීවරයා පැවසීය.
පාස්කු ඉරු දින ප්‍රහාරයන් පසු විවිධ පුද්ගලයන් බලය ලබා ගැනීම සඳහා තරගයක යෙදී සිටින බවට ද හෙක්ටර් අප්පුහාමි මන්ත්‍රීවරයා චෝදනා කළේය.
“රට විනාශ කරනවා විතරක් නෙවේ ජනතාව අතර, ජාතී භේද, ආගම් භේද හදලා මේ රට පාගලා බඩගෝස්තරවාදී දේශපාලනය කරමින් තමුන් පෝෂණය වෙන්න හදනවානම් ඒක පුරවැසියන් ලෙස සියලු දෙනා එක්ව වැළැක්විය යුතුයි.” යනුවෙන් මන්ත්‍රීවරයා වැඩි දුරටත් කියා සිටියේය.
Facebook Comments
