රාජපක්ෂ පාලන සමයේ සිදු ඝාතන සහ අතුරුදහන් කරවීම් වැනි අපරාධ හරහා බලයට පැමිණි ජනාධිපතිවරයා තම ජීවිත අනතුරේ හෙළා ඇති බවට අතුරුදහන් මාධ්‍යවේදි ප්‍රගීත් එක්නැළිගොඩගේ බිරිඳ චෝදනා කරයි.
ජිවිත පරදුවට තබා බලයට පත් කරන ලද ජනාධිපතිවරයා තමන් හට යුක්තිය ඉෂ්ඨ ඉටු කර සත්‍ය හෙළි කරනු ඇති බවට විශ්වාස කල බව සන්ධ්‍යා එක්නැළිගොඩ කොළඹ පැවති මාධ්‍ය හමුවක දී කියා සිටියේය.
“ව්‍යවස්ථාව උල්ලංඝනය කරමින් ඉතා නරක විදියට ඒකාධිපතියෙක් විදියට හැසිරෙමින් අරගත්ත අත්තනෝමතික තීරණය අපේ ජීවිත නැවතත් අගාධයට වට්ටල තියෙනවා, අපේ ජීවිත තර්ජනයට පත් කරලා තියෙනවා. අතුරුදහන් වෙච්ච පවුල් වල අයට අපිට මොකද වෙන්නෙ කියන ප්‍රශ්නය මතු වෙලා තියෙනවා.”
“ජිවිත බිය ඇති වෙල තියෙනව වගේම අපේ නඩු වලට මොකද වෙන්නෙ යුක්තිය ඉෂ්ඨ වෙන්නෙ කොහොමද කියන අනියත බියත් එක්ක ජීවත් වෙන්න සිද්ධ වෙලා තියෙන්නෙ.” යැයි ඇය සඳහන් කළේය.
අත්තනෝමතික ලෙස ගත් තීරණය ආපස්සට ගනිමින් පාර්ලිමේන්තුව වහා කැඳව‍ා ප්‍රජාතන්ත්‍රවාදය ස්ථාපිතකර යුක්තිය ඉටු කිරීමට ජනාධිපති ධුරයට පත් කිරීමට දරදිය ඇද්ද පුද්ගලයෙකු වශයෙන් ජනපතිගෙන් ඉල්ලා සිටින බවට සන්ධ්‍යා එක්නැළිගොඩ වැඩි දුරටත් කියා සිටියාය.
Facebook Comments
