ශ්‍රී ලංකාවට එරෙහි කිසියම් හෝ රාජතාන්ත්‍රික ක්‍රියාමාර්ගයන්ට යොමු වීමට ඉක්මන් නොවන ලෙස කතානායකවරයා රාජතාන්ත්‍රික නියෝජිතයන්ගෙන් ඉල්ලා තිබේ.
විදෙස් නියෝජිතයින් පිරිසක් සමඟ 31 බදාදා පාර්ලිමේන්තුවේදී හමුවු අවස්ථාවේදී කතානායකවරයා මෙම ඉල්ලීම කල බවයි කතානායක කාර්යාලය පවසන්නේ.
එක්සත් ජාතීන්ගේ නිත්‍ය නියෝජිත හන්නා සින්ගර්, යුරෝපා සංගම් තානාපති මාර්ගියු, බ්‍රිතාන්‍ය මහ කොමසාරිස් ජේම්ස් ඩව්රිස්, කැනඩා තානාපති ඩේවිඩ් මැකින්නොන්, ජර්මානු තානාපති ජෝන් රොද්ඩ් යන පිරිස මෙලෙස කථානායකවරයා හමුවිය.
රටේ සිදුව ඇති අනපේක්ෂිත දේශපාලන පරිවර්තන පිළිබඳව කනස්සල්ල පළ කර ඇති විදේශ නියෝජිතයින් එම හේතුවෙන් ශ්‍රී ලංකාව මුහුණ දිය හැකි අහිතකර ප්‍රතිඵල ගැන කතානායකවරයාට පෙන්වා දී ඇත.
අද පස්වරුවේ ජනාධිපතිවරයා හමුවීමට අපේකෂා කරන බවට පවසා ඇති කතානායකවරයා එහිදී පැනනැගී ඇති තත්වයට ව්‍යවස්තානුකූලව සහ ප්‍රජාතන්ත්‍රවාදීව කඩිනමින් විසදුමක් ලබා දීමට හැකි වනු ඇතැයි විශ්වාසය පළ කල බවයි කතානායක මාධ්‍ය අංශය නිවේදනය කරන්නේ.
එබැවින්, ශ්‍රී ලංකාවට එරෙහි කිසියම් හෝ රාජතාන්ත්‍රීක ක්‍රීයාමාර්ගයන්ට යොමු වීමට ඉක්මන් නොවන ලෙසයි කතානායවරයා විදේශ නියෝජිතයන්ගෙන් ඉල්ලා ඇත්තේ.
මීට ඉහත දී ඇමරිකාව ඇතුළු විදේශ නියෝජිතයන් සමඟ පැවති සාකච්ඡාවේදී ඉතා ඉක්මනින් පාර්ලිමේන්තුව කැඳවා රට තුළ ප්‍රජාතන්ත්‍රවාදය ස්ථාපිත නොකලහොත් ශ්‍රී ලංකාවට සම්බාධක පැනවීමේ අවධානමක් ගැන ඔවුන් කතානායකවරයාට අනතුරු ඇඟවු බවයි කතානායක කාර්යාල ආරංචි මාර්ග පවසන්නේ.
Facebook Comments
