ජාතික ගැටලුවට විසඳුමක් ලෙස දෙමළ ජනයාගේ ප්‍රධානතම ඉල්ලීමක් වන උතුරු නැගෙනහිර එක් කරමින් ෆෙඩරල් පාලනයක් ඇති කිරිමේ යෝජනාව ලබා නොදෙන බව ජනාධිපතිවරයා විසින් ප්‍රකාශ කර තිබේ.
“මම මේ පුටුවේ ඉන්නකම් උතුරු නැගෙනහිර එකතු කරන්නෙත් නැහැ, ෆෙඩරල් කරන්නෙත් නැහැ.” යි ජනාධිපති මෛත්‍රීපාල සිරිසේන 31 බදාදා ශ්‍රී ලංකා නිදහස් පක්ෂ ආසන සංවිධායකවරුන් අමතමින් කියා සිටියේය.
උතුරු නැගෙනහිර එක් කරමින් ෆෙඩරල් විසඳමක් ලබා දෙන බවට සමහරුන් සපත කර ඇති බව ජනාධිපතිවරයා එය ඉටු කර ගැනීමට තමා මරා දැමිය යුතු යැයි ද පැවසීය.
ජනාධිපති ධුරයට පත්වී ගෙවුන වසර තුන හමාරක කාලය තුල රනිල් වික්‍රමසිංහ සමඟ ඉතා අසීරුවෙන් ගත කළ බැවින් මහින්ද රාජපක්ෂ හට අගමැති ධුරය ලබා දී ආණ්ඩුවක් පිහිටුවීමට තීරණය කළ බවයි පවසා ඇත්තේ.
රනිල් වික්‍රමසිංහ පාර්ලිමේන්තුවෙන් නැවත වතාවක් අගමැති ධුරයට පත්වුවහොත් ජනාධිපති පුටුවේ පැයකවත් නොසිටින බව ජනාධිපති මෛත්‍රීපාල සිරිසේන වැඩි දුරටත් ප්‍රකාශ කළේය.
Facebook Comments
