රාජපක්ෂවරුන්ගේ ප්‍රබල හතුරෙකු වන මුදල් අමාත්‍ය මංගල සමරවීර තම ප්‍රථම අයවැය හරහා රාජපක්ෂවරුන්ගේ මෙතෙක් හෙළිදරව් නොවු වංචා සහ දුෂණ පිළිබඳව හෙළිදරව් කිරීමට සුදානම් වන බව වාර්තා වේ.
ඇමැතිවරයා විසින් රාජපක්ෂ පාලන සමයේ වංචා දුෂණ රැසක තොරතුරු වලට අදාල විමර්ශන වාර්තා මේ වන විටත් ගෙන්වා ගෙන ඇති අතර 09 බ්‍රහස්පතින්දා ඉදිරිපත් කිරීමට නියමිත අයවැය කතාවේදී මෙම හෙළිදරව්ව සිදු කරන බව නම සඳහන් කිරීමට නොකැමති වු මුදල් අමාත්‍යංශ ප්‍රකාශයෙකු සිලෝන් ජර්නල්ස් හා කියා සිටියේය.
අයවැය කතාවකදී ප්‍රතිවිරුද්ධ දේශපලනයින්ට පහරදීමට වැඩිකාලයක් වෙන්කිරීම ශ්‍රී ලංකාවේ අයවැය සම්ප්‍රදාය වන අතර මෙවර අයවැය කතාවේදී සියලු රාජපක්ෂවරුන් පිළිබඳව අවබෝධයක් ලබා ගැනීමට හැකි වනු ඇති බවයි ප්‍රකාශකයා සඳහන් කර සිටියේ.
මෙවර අයවැයෙන් රාජපක්ෂවරුන් ලබා ගත් ණය සහ දුෂණ වංචා නිසාවෙන් බිලියන 125 ක ණය කන්දක් ගොඩ ගැසී ඇති අතර එය පියවීමට මහත් වෙහෙසක් දැරීමට මුදල් අමාත්‍ය මංගල සමරවීර හට සිදුව ඇතැයි වාර්තා වේ.
එම හේතු‍ව නිසාවෙන් මංගල සමරවීර අමාත්‍යවරයා රාජපක්ෂවරුන් පිළිබඳව හෙළි කිරීමට තීරණය කර ඇති බව මුදල් අමාත්‍ය ප්‍රකාශකයා සිලෝන් ජර්නල්ස් හා වැඩි දුරටත් කියා සිටියේය.
Facebook Comments
