මුදල් හා ජනමාධ්‍ය අමාත්‍ය මංගල සමරවීර විසින් සකසනු ලබන ප්‍රථම අයවැය “දේදුනු අනන්තය” නම් ඔහුගේ පුද්ගලික නිවසේ සිට සකස් කිරීම ආරම්භ කර තිබේ.
ඇමරිකානු ඩොලර් මිලියන 4000ක ණය ප්‍රමාණයක් 2019 වන විට ගෙවා දැමීමට ඇති බැවින් මෙවර අයවැයෙන් ඒ පිළිබඳව වැඩි අවධානය යොමු කර ඇති බව මුදල් අමාත්‍යංශ ආරංචි මාර්ග පවසයි.
දේශපාලන ක්ෂේත්‍රයේ පෙරළිකාර චරිතයක් වන මංගල ඇමැතිවරයා මුදල් අමාත්‍ය ධුරය බාර ගැනිමෙන් පසු ඉදිරිපත් කරන මංගල අයවැය මෙය වන අතර මෙවර අයවැය සුවිශේෂි වනු ඇතැයි දේශපාලන විචාරකයින් පෙන්වා දෙයි.
කලාකරුවන්, ව්‍යපාරිකයන් සහ විවිධ වෘත්තිකයන් ඇතුළු පිරිස් මෙවර අයවැයට සිය යෝජනා ලබා දී ඇති අතර එම යෝජනා සඳහා වැඩි අවධානයක් යොමු වනු ඇති බවට මුදල් අමාත්‍යංශය විශ්වාසය පල කරයි.
Facebook Comments
