බෝම්බ වලින් මැරුණ ගාන අඩු වෙයි

0

පාස්කු ඉරිදා ප්‍රහාර වලින් මියගිය සංඛ්‍යාව පොලිසිය විසින් දැනුම් දුන් ගණනට වඩා සියයකින් පමණ අඩු බව සෞඛ්‍ය අමාත්‍යංශය නිකුත් කළ අලුත්ම සංඛ්‍යා ලේඛණ වලින් පෙනී යයි.

අප්‍රියෙල් 25 බ්‍රහස්පතින්දා ප්‍රහාර වලින් අවම වශයෙන් 359 දෙනෙකු මිය යන්නට ඇති බව පොලිසිය නිවේදනය කල ද එදිනම සවස් වරුවේ සෞඛ්‍ය සේවා අධ්‍යක්ෂක ජෙනරාල්වරයා නිවේදනයක් නිකුත් කරමින් මිය ගිය ප්‍රමාණය කට ආසන්න විය හැකි බව සඳහන් කළේය.

“මෙවැනි බෝම්බ පිපිරීම් වලදී මියයන සමහරුන්ගේ ශරීර විශාල වශයෙන් හානියට ලක්වන අතර, ඇතැම් සිරුරු විනාශ වීමටත්, කොටස්වලට කැඩී සම්පූර්ණ සිරුරු වශයෙන් හදුනාගත නොහැකි තත්ත්වයටත් පත්වෙයි. මේ අනුව මරණ සංඛ්‍යාව නිශ්චිත වශයෙන් ගණනය කිරීමේ අසීරුතාවයක් පවතින බැවින්, මරණ සංඛ්‍යාව සෑම දිනකම ප්‍රකාශයට පත් කෙරුනේ ආසන්න අගයක් ලෙසයි.” යනුවෙන් අධ්‍යක්ෂ ජෙනරාල් අනිල් ජාසිංහ නිකුත් කල නිවේදනයේ දැක්වේ.

මේ අතර ප්‍රහාර මාලාව සම්බන්ධව අවශ්‍ය සැකකරුවන් සම්බන්ධව නිකුත් කරන ලද වාර්තාව ද පොලිසිය විසින් වෙනස් කරන ලදී.

එම මුල් නිවේදනයට අනුව අබ්දුල් කාදර් ෆාතීමා කාදියා නැමැත්තියගේ බවට මුලින් නිකුත් කල ඡායාරූපය නිවැරදි නොවන බව පොලිසිය විසින් පසුව නිවේදනය කළේය.

ඡායාරූපයේ සිටින තැනැත්තිය ඇමරිකාවේ ජිවත් වන අතර තමන් මෙම සිද්ධියට කිසිම සම්බන්ධයක් නොමැති බව හා මුස්ලිම් අන්තවාදී සංවිධාන සමඟ කිසිඳු සම්බන්ධයක් නැති බවට ඇය සමාඡ ජාලා ඔස්සේ ප්‍රකාශයට පත් කර තිබුණි.

Facebook Comments

wedding people