රජය විසින් සිදු කරනු ලබන සංවර්ධන කටයුතු වලදී ප්‍රචාරණය සඳහා මුදල් වැය නොකිරීමට ගත් තීරණය යහපාලන ආණ්ඩුව ගත් මෝඩ තීන්දුවක් බව රජයේ කැබිනට් ප්‍රකාශකවරයා පවසයි.
“යහපාලන රජය බලයට පත්වීමේ දී ගත් මෝඩ තීන්දුවක් තමයි ප්‍රචාරක කටයුතු සදහා මුදල් වැය කිරීම නතර කිරීම. වත්මන් ආණ්ඩුව රට තුල වෙනසක් ඇති කර තිබෙනවා. එය ප්රචාරය කිරීමට අවශ්‍ය කටයුතු නොකිරීම හේතුවෙන් ජනතාව අතර අප්‍රසාදයක් ඇති වී තිබෙනවා.” යි සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න කියා සිටියේය.
වත්මන් ආණ්ඩුව රටේ වෙනසක් කර ඇති බව පවසන ඇමැතිවරයා එය ප්රචාරය කිරීමට අවශ්‍ය කටයුතු නොකිරීම හේතුවෙන් ජනතාව අතර ප‍්‍රසාදයක් හිමි නොවී ඇති බවට 28 සෙනසුරාදා මාතර හෙද විද්‍යාලයේ නව පරිපාලන ගොඩනැගිල්ල විවෘත කිරීමේ අවස්ථාවට එක්වෙමින් ප්‍රකාශ කළේය.
ඉදිරි සංවර්ධන කටයුතු නවතා ඒ වෙනුවට වත්මන් ආණ්ඩුව සිදු කළ ව්‍යාපෘති පිළිබදව පුළුල් ප්‍රචාරයක් ලබාදිය යුතු බව තමන් අගමැතිවරයාට යෝජනා කල බවද අමාත්‍ය රාජිත සේනාරත්න වැඩි දුරටත් කියා සිටියේය.
Facebook Comments
