මන්නාරම සමුහ මිනිවලෙන් සිරුරු හැටක් මතු වෙයි

0
901
Ivory Agency Sri Lanka
HailHost
wedding people

මන්නාරම සමුහ මිනිවලෙන් 30 සඳුදා වන විට ළමුන් හා ස්ත්‍රීන් ද ඇතුළු පුද්ගලයන් හැට දෙනෙකුගේ සිරුරු හමුවු බව කැණීම් අධීක්ෂණයෙහි නිරත පුරාවිද්‍යා පශ්චාත් උපාධි ආයතනයේ මහාචාර්ය රාජ් සෝමදේව පවසයි.

සමුපකාර තොග වෙළඳ සංස්ථාවට අයත් භූමි භාගයකින් සොයාගෙන වැඩිදුර පරීක්ෂණ සඳහා වෙන්කොට ඇති එවැනි අස්ථි කොටස්වලින් සම්පූර්ණ මිනිස් ඇට සැකිලි හැටකට ආසන්න සංඛ්‍යාවක් හඳුනාගත හැකිව තිබෙන බව මහාචාර්යවරයා සිලෝන් නිවුස් හා පැවසීය.

මේ අතර එකිනෙකට ආසන්නයේ තිබෙන වැඩිහිටියකුගේ සහ දරුවකුගේ බව පෙනී යන ඇටසැකිලි දෙකක් සමුහ මිනිවලෙන් හමුව ඇති අතර කැනීම් භාර විශේෂඥයන් පවසන්නේ ඒ සම්බන්ධයෙන් වැඩි විස්තර ලබා දිය හැකි වන්නේ වෝහාරික පරීක්ෂණ වලින් පසුව බවයි.

මෙතෙක් හමුවී තිබෙන ඇටසැකිලි කාල නිර්ණය සඳහා ඇමරිකා එක්සත් ජනපදයේ ෆ්ලොරිඩාවේ විද්‍යාගාරයක් වෙත යැවීමට අපේක්ෂා කරන බව මහාචාර්ය රාජ් සෝමදේව සිලෝන් නිවුස් හට පිලිතුරු දෙමින් ප්‍රකාශ කළේය.

“අපි තවම කාල නිර්ණය කරල නැහැ අපි ඒක කරලා තහවුරු කර ගන්න ෆ්ලොරිඩා වල තියෙන විද්‍යාගාරයට යවන්න වෙයි.” මහාචාර්යවරයා කියා සිටියේය.

කැනීම් වලින් හමුවූ අස්ථි කැබලි සමහරක තියුණු කැපීම් තුවාල දැකගත හැකිවූ බව කැනීම් කටයුතු කරන විශේෂඥයෝ වැඩි දුරටත් පවසති.

පුරාවිද්‍ය නිලධාරීන්, රජයේ රස පරීක්ෂක නිලධාරීන් හා අධිකරණ වෛද්‍ය නිලධාරීන්ගේ මෙහෙයවීම යටතේ මේ වන විට දින 43ක් පුරා සමුහ මිනිවලෙහි පරීක්ෂණ කටයුතු වල නිරත වෙති.

Facebook Comments

HailHost