යහපාලනය සඳහා වු එක්සත් ජාතික පෙරමුණු සමගි සන්ධාන ජාතික රජය පිහිටුවීමේ යෝජනාව පාර්ලිමේන්තුවට ඉදිරිපත් කර තිබේ.
එක්සත් ජාතික පක්ෂය ප්‍රමුඛ එක්සත් ජාතික පෙරමුණේ පක්ෂ හා යහපාලන ප්‍රතිපත්තිවලට එකඟ අනෙකුත් දේශපාලන පක්ෂ කිහිපයක් එකමුතුවෙන් නව සමගි සන්ධාන රජය පිහිටුවන බව පාර්ලිමේන්තු මහලේකම්වරයා වෙත යැවු ලිපියේ සඳහන්ව ඇත.
රාජපක්ෂ පාලනයේදී ලබා ගත් ණය කන්දරාව ගෙවමින් ජනතාවට උපරිම සහන දීමට සහ රටේ ප්‍රජාතන්ද්‍රවාදය තහවුරු කිරීමට කැමැත්ත පළ කරන සියළු පක්ෂවලට සමගි සන්ධාන ජාතික රජයට එක් විය හැකි බවයි සභානායක, රාජ්‍ය ව්‍යවසාය සංවර්ධන හා මහනුවර සංවර්ධන අමාත්‍ය ලක්ෂ්මන් කිරිඇල්ල පෙන්වා දෙන්නේ.
පෙර පැවති ජාතික ආණ්ඩුවට වඩා බොහෝ වෙනස් ලෙස නව ජාතික ආණ්ඩුව බිහි වන බවයි එක්සත් ජාතික පක්ෂ මහලේකම් අකිල විරාජ් කාරියවසම් අවධාරණය කරන්නේ.
ශ්‍රී ලංකා නිදහස් සන්ධානයේ කිහිප දෙනෙකු නව ජාතික ආන්ඩුවට එක්වනු ඇති බවට ද අමාත්‍යවරයා විශ්වාසය පළ කළේය.
තවත් කැබිනට් අමාත්‍ය ධුරය කිහිපයක් ලබා දී ආණ්ඩුවේ 113 බහුතරය තහවුරු කර ගැනීමේ නව ජාතික ආණ්ඩු යෝජනාවේ මුලික ඉලක්කය වී ඇත.
Facebook Comments
