ගෝඨාගේ ගෝලයෝ ජාතිවාදය වපුරනවා

0

ගෝඨාභය රාජපක්ෂ වටා එක්ව සිටින ඒකාධිපති වියරුවෙන් පෙළෙන ඒකාබද්ධ විපක්ෂය ඇතුළු කණ්ඩායම රට පුරා ජාතිවාදය, ආගම්වාදය වපුරමින් සිටින බවට පුරවැසි බලය සංවිධානය චෝදනා කරයි.

ඇතැම් භික්ෂූන් වහන්සේලාගේ අනුශාසකත්වයෙන් යුතුව ගෝඨාභය රාජපක්ෂ හිට්ලර් කෙනෙක් කිරීමට සමාජ කතිකාවක් ඇති වී තිබෙන බවට 30 සඳුදා සමාජයීය හා සාමයික කේන්ද්‍රයේ පැවැති මාධ්‍ය හමුවට සහභාගි වෙමින් එම සංවිධානයේ සම කැඳවුම්කරු ගාමිණී වියන්ගොඩ කියා සිටියේය.

හිට්ලර් කෙනෙක් ශ්‍රී ලංකාවට අවශ්‍ය බව පවසමින් ගෝඨාභය රාජපක්ෂට හිතවත් හමුදාවේ හිටපු උසස් නිලධාරීන් කිහිපදෙනකු රට පුරා යමින් සිටින බවත් එය ඉතාම භයානක තත්ත්වයක් බවයි ඔහු පෙන්වා දෙන්නේ.

ඒකාධිපති පාලනයක් ඇති වූ රටවල් විනාශ වී ඇති බවට ඉතිහාසයේ සාක්ෂි පවතින බව පවසන ගත්කතුවර ගාමිණි වියන්ගොඩ හිට්ලර් බලයට පත් වන විට තනි රටක් වූ ජර්මනිය දෙකඩ වූ අතර නැවතත් රට එක්සේසත් කිරීමට වසර 70 ක් පමණ ගතවු බව ද සිහිපත් කර දුනි.

පසුගිය ආණ්ඩුව කාලයේ වංචා දූෂණ සිදු කළ පුද්ගලයන් අදටත් නිදැල්ලේ සිටින්නේ යැයි චෝදනා කරන ගාමිණි වියන්ගොඩ ඔවුන්ට නිසි ලෙස නීතිය ඉටු කළ යුතු බව මෙන්ම වත්මන් ආණ්ඩුව බලයට පත් වීම සඳහා ජනතාවට ලබා දුන් පොරොන්දු ඉටු කිරීමට ආණ්ඩුව පියවර ගත යුතු බව ද වැඩි දුරටත් අවධාරණය කළේය.

Facebook Comments

wedding people