මගී බස්රියක් ධාවනය කරන ලංකාවේ ප්‍රථම සහ එකම කාන්තා බස් රියදුරුවරිය සහ තවත් පස් දෙනෙකු නාරාහේන්පිට පොලිසිය විසින් අත්අඩංගුවට ගැනීමෙන් අනතුරුව කොළඹ අධිකරණයට ඉදිරිපත් කර තිබෙනවා.
ප්‍රකාශයක් ලබාදීමට පොලිසියට පැමිණි අවස්ථාවේ මේ පිරිස අත්අඩංගුවට ගෙන ඇති බවටයි වාර්තා වන්නේ.
මෙම කාන්තාවට බස් ධාවනය කරන්න මාර්ග බලපත්‍රයක් දෙන බවට ජාතික ගමනාගමන මණ්ඩලයේ සභාපතිවරයා පොරොන්දු වී තිබු අතර, බස් රියක් මිලට ගන්න ලෙසටත් ඔහු විසින් ඇයට උපදෙස් ලබා දුන් බවට ඇය පවසනවා ඒ අනුව ඇය බස් රියක් මිලට ගත් බව ඇය පවසනවා.
බස් රථය මිලදී ගත්තද මාර්ග බලපත්‍රයක් ලබා නොදුන් බවත් ඒ පිළිබඳව විමසීමට තවත් පස් දෙනෙකු සමඟ ජාතික ගමනාගමන මණ්ඩලයේ සභාපතිවරයා හමුවීමට ගිය බවත් ඒ අවස්ථාවේදී ගමනාගමන මණ්ඩලයට බලහත්කාරයෙන් ඇතුළු වූ බවට සහ තමන්ට බැනවැදී තර්ජනය කළ බවට ජාතික ගමනාගමන මණ්ඩලයේ සභාපතිවරයා විසින් නාරාහේන්පිට පොලිසියට කළ පැමිණිල්ලකට අනුව තමන් ව අත්අඩංගුවට ගත් බවයි ඇය ප්‍රකාශ කර සිටියේ.
කෙසේ වෙතත් අධිකරණයට ඉිදිරිපත් කිරිමෙන් අනතුරුව මහේස්ත්‍රාත්වරයා නියෝග කළේ එක් අයෙකුට රුපියල් 2000 ක මුදල් ඇප සහ ශරීර ඇපයක් මත ඔවුන් මුදාහරින ලෙසයි.
Facebook Comments
