ත‍්‍රිකුණාමලය සාම්පූර්හි යෝජිත ගල් අඟුරු බලාගාරය ඉදි නොකරන බව නීතිපති අද (13) ශ්‍රේෂ්ඨාධිකරණයට දැනුම් දුන්නේය.
පාරිසරික පදනම විසින් ඉදිරිපත් කර ඇති මුලික අයිතිවාසිකම් පෙත්සමක් අද කැඳවූ අවස්ථාවේ මෙම දැනුම් දීම සිදුකෙරුණු බවයි වාර්තා වන්නේ.
නිසි පාරිසරික ඇගයීමකින් තොරව සාම්පූර් ප්‍රදේශයේ ගල් අඟුරු බලාගාරයක් ඉදිකිරීම නීතියට පටහැනි බවත් මේ තුළින් මූලික අයිතීන් කඩවන බවට තීන්දුවක් ලබාදෙන ලෙසත් ඉල්ලා මෙම පෙත්සම ගොණු කර තිබුණි.
අදාළ පෙත්සම අද කැඳවූ අවස්ථාවේ විදුලිබල හා පුනර්ජනනීය බලශක්ති අමාත්‍යංශය විසින් සාම්පූර් ප්‍රදේශයේ ගල් අඟුරු බලාගාරයක් ඉදි නොකරන බවට තහවුරු තර ඇති බවට නීතිපතිවරයා විසින් අධිකරණයට දැනුම් දී ඇති අතර ඒ අනුව පෙත්සම් විභාගය අවසන් කිරීමට ශ්‍රේෂ්ඨාධිකරණය තීරණය කර ඇත.
Facebook Comments
