පරිසර සංරක්‍ෂණය සහ ජාතික සංහිදියාවට ජපන් අතහිත

0

පරිසර සංරක්‍ෂණය සහ ජාතික සංහිදියාව පදනම් කර ගනිමින් ශ්‍රී ලංකාව තුළ සිදු කෙරෙන ආර්ථික ප්‍රතිසංස්කරණ හා සංවර්ධන ක්‍රියාවලියේ ප්‍රධාන භූමිකාවක් නිරූපණය කරලීමට ජපානය සූදානම් බව ජපාන ආර්ථික, වෙළඳ සහ කර්මාන්ත අමාත්‍ය හිරොෂිගෙ සෙකො පවසා ඇත.

තෝකියෝ නුවර ඉම්පීරියල් හෝටලයේ දී ශ්‍රී ලංකා අග්‍රාමාත්‍ය රනිල් වික්‍රමසිංහ ප්‍රධාන දූත පිරිස හමුවෙමින් හිරොෂිගෙ සෙකො අගමැතිවරයාගේ ජපාන සංචාරය හේතුවෙන් දෙරට අතර සම්බන්ධතාවන් වඩාත් ඉහළ තලයක් දක්වා එසැවෙන බව පැවසු බව රජය කියා සිටී.

කොළඹ උතුර වරාය සංවර්ධනය, ත්‍රිකුණාමල නගර නිර්මාණය, බණ්ඩාරනායක ගුවන් තොටුපලෙහි දෙවන ධාවන පථය, ස්වාභාවික ද්‍රව වායු බලාගාරය, ත්‍රිකුණාමල වරාය සංවර්ධනය, මධ්‍යම අධිවේගී මාර්ගයේ තෙවන අදියර ආදී ව්‍යාපෘතින් සඳහා ජපානයෙන් ලබා ගත හැකි සහය පිළිබඳව මෙහිදී දීර්ඝ වශයෙන් සාකච්ඡා කෙරුණු බවයි රජය පවසන්නේ.

Facebook Comments

wedding people