ශ්‍රී ලංකා යුද හමුදාව හා වතු පාලනාධිකාරිය කදුකරයේ දෙමළ ජනතාවගේ සංස්කෘතික ක්‍රියාකාරකම්ද සෝදිසි කරන බව හෙළි වී තිබේ.
ජුලි මස 09 වැනිදා සවස බොගවන්තලාව, කොටියාගල ප්‍රදේශයේ රඟ දැක්වීමට නියමිතව තිබු ‘ලයත්තු කෝළිගල’ නාට්‍යය සම්බන්ධයෙන් යුද හමුදාව වතු පාලනාධිකාරියෙන් අවස්ථා කිහිපයකදීම ප්‍රශ්න කිරීමට අමතරව නාට්‍ය අධ්‍යක්ෂවරයාටද දුරකථන ඇමතුමක් ලබා දී විමසීම් කර ඇති බව දෙමළ ජනමාධ්‍ය වාර්තා කර ඇත.
‘ලයත්තු කෝළිගල්’ නාට්‍යය කඳුකරයේ ප්‍රවීණ නාට්‍යකරුවකු වන රාසයියා ලෝගනාදන්ගේ අධ්‍යක්ෂණයකි.
දෙමළ ජනමාධ්‍ය වාර්තාකර ඇති පරිදි කොටියාගල වතු පාලනාධිකාරියේ උසස් නිලධාරියකු ජනමාධ්‍ය වෙත පවසා ඇත්තේ සිය කලාපයේ නාට්‍ය රඟදක්වන්නේ නම් ඒ සම්බන්ධයෙන් තමන්ට ලිඛිතව දැන්විය යුතු බවයි.
පොලිසියට කියනවා
”අපේ කලාපයේ රඟදක්වනවා නම් අපිට ලිපියක් මාර්ගයෙන් දන්වන්න ඕනේ. එහෙම නැත්නම් හදිසි තත්ත්වයක් ඇති වු අපිට බලපෑමක් ඇති වෙන්න පුළුවන්. වත්තේ සභාපති හරහා නාට්‍ය ගැන අපිට දැනුම් දෙන්න ඕනේ. එහෙම දැනුම් දුන්නායින් පස්සේ, අපි මේ ගැන බොගවන්තලාව පොලිසියට දැනුම් දෙනවා.”
නාට්‍ය සම්බන්ධයෙන් යුද හමුදාව විමසීම් කළ බව පිළිගන්නා කොටියාගල වතු පාලනාධිකාරිය ඒ තොරතුරු යුද හමුදාවට ලබා දෙන බව හෙලි කොට තිබේ.
”මේ නාට්‍යය ගැන තොරතුරු ඇහුවා. මේ වගේ දේවල් සිදු වෙද්දී අපි හමුදාවට දැනුම් දෙන්න ඕනේ,” යි ඉහල වතු නිලධාරියෙක් පවසා තිබේ.
නාට්‍යවේදී රාසයියා ලෝගනාදන් සදහන් කරන පදිරි මාවුස්සාකැලේ හමුදා මූලස්ථානයෙන් බව පවසමින් කතා කළ අයෙක් තමන්ගේ හැදුනුම්පත් අංකය සදහන් කරමින් කතා කිරීම නිසා ඔහු අතට සිය හැදුනුම්පත් අංකය ලැබුන ආකාරය සම්බන්ධයෙන්ද නාට්‍යවේදියා බියට පත්ව සිටි.
නාට්‍යය සම්බන්ධයෙන් කොටියාගල ප්‍රදේශය භාර පොලිස් නිලධාරියා දැනුවත් කිරීමේදී නාට්‍යවේදියා විසින් ලබා දෙන ලද පෞද්ගලික තොරතුරු එම නිලධාරියා විසින් යුද හමුදාවට ලබා දුන්නාදැයි යන සැකය මතු වී තිබේ.
Facebook Comments
