පලෙයි පොලිසියට වෙඩි: ජනතාව නිවාස වලට කොටු කර සෝදිසි මෙහෙයුම් (PHOTO)

0

කිලිනොච්චි පලෙයි පොලිස් බල ප්‍රදේශයේදී බ්‍රහස්පතින්දා (18) මධ්‍යම රාත්‍රීයේ පොලිස් ජංගම රථයකට වෙඩි ප්‍රහාරයක් එල්ල වී තිබේ.

වෙඩි ප‍්‍රහාරයෙන් රාජකාරියේ නිරත පොලිස් නිලධාරීන්ට හෝ පොලිස් ජංගම රථයට කිසිඳු හානියක් සිදු නොවී ඇති බව පවසන පොලීසිය එම ස්ථානයට ආසන්නයේ තිබූ දුම්රිය ආලෝක සංඥා කිහිපයකට වෙඩි ප‍්‍රහාර එල්ලවී ඇති බවයි පවසන්නේ.

කෙසේ වෙතත් මේ වන විට එම ප්‍රදේශයේ ජනතාවට තමන් නිවෙස් වලින් පිට නොවන ලෙස නියෝග කර යුධ හමුදාව සහ විශේෂ කාර්ය බලකාය යොදා මෙහෙයුම් කටයුතු ආරම්භ කර ඇත.

ජනතාවට තම නිවෙස් වලින් පිට නොවන ලෙස නියෝග කර තිබුණද එම ප්‍රදේශයට ඇඳිරි නීතිය යොදා නැති බව පොලිසිය කියා සිටී.

දැඩි රැකවල් සහ සෝදිසි මෙහෙයුම් හේතුවෙන් ප්‍රදේශයේ ජනතාවගේ දෛනික ජිවිතය සම්පුර්ණයෙන්ම අඩාල වී ඇති බව අප වාර්තාකරුවෝ පවසති.

Facebook Comments