එජාප මන්ත්‍රීන්ට තහනම් නියෝගයක්

එජාප පසුපෙළ මන්ත්‍රීට කැබිනට් සංශෝධනය සම්බන්ධව ප්‍රසිද්ධ මාධ්‍යයේ හෝ රැස්විම් වල අදහස් දැක්වීමෙන් වළකින ලෙසට එම පක්ෂය විසින් නියෝග කර තිබේ.

පසුගිය දිනවල කැබිනට් සංශෝධනයට එරෙහිව එජාප පසු පෙළ මන්ත්‍රීන් දිගින් දිගටම අදහස් දක්වා තිබුණි.

අගමැතිවරයාගේ නියෝග මත ආණ්ඩු පක්ෂ ප්‍රධාන කාර්යාලය විසින් එජාප මන්ත්‍රීන්ට මෙම නියෝගය නිකුත් කර ඇති බවයි සිරිකොත ආරංචි මාර්ග පවසන්නේ.

සංශෝධනය සඳුදා

කෙසේ වෙතත් ජනාධිපති මෛත්‍රිපාල සිරිසේනගේ ඕස්ට්‍රේලියානු සංචාරයට පෙර කැබිනට් මණ්ඩලය සංශෝධනය කරනු ඇතැයි දේශපාලන ආරංචිමාර්ග තහවුරු කරයි.

කිහිප වරක්ම කල් ගිය කැබිනට් සංශෝධනය බොහෝ විට සඳුදා දිනයේදී ස්ථිර වශයෙන්ම සිදු වනු ඇති බවයි ජනාධිපති ලේකම් කාර්යාල ප්‍රකාශකයෙක් කියා සිටියේ.