යළි වතාවක් කිසිසේත්ම නිල් වික්‍රමසිංහට අගමැති ධුරය ලබා නොදෙන බව පුන පුනා ප්‍රකාශ කළ ජනාධිපතිවරයා එම ධුරයේ වැඩ භාර ගන්නා ලෙස එක්සත් ජාතික පක්ෂයේ නායකත්වයට ආරාධනා කර තිබේ.
ව්‍යවස්ථා විරෝධී ආකාරයෙන් පාර්ලිමේන්තුව විසුරුවා හැර මහින්ද රාජපක්ෂ අගමැති ලෙස නම් කිරීමෙන් අනතුරුව රනිල් වික්‍රමසිංහ කිසිසේත් අගමැති ධුරයේ පිහිටුවන්නේ නැති බව කී ජනාධිපතිවරයා මෙසේ පසුබා ඇත්තේ අධිකරණය මෙන්ම පාර්ලිමේන්තුවද ඔහුගේ ක්‍රියාකලාපය දෝෂ සහගත බව පෙන්වා දීමෙන් පසුවයි.
දුරකතනය ඔස්සේ 14 සිකුරාදා රනිල් වික්‍රමසිංහ අමතා ඇති ජනපති මෛත්‍රීපාල සිරිසේන 16 ඉරිදා අගමැති ධුරයේ වැඩි බාර ගැනීමට පැමිණෙන ලෙස ඉල්ලා ඇත.
ඔහුගේ නායකත්වයෙන් යුත් ආණ්ඩුවක කොටස්කරුවන් වීමට ශ්‍රී ලංකා නිදහස් පක්ෂයේ පිරිසක් කැමැත්ත පල කොට තිබෙන බව ද හෙක්ටර් අප්පුහාමි මන්ත්‍රීවරයා සිලෝන් නිවුස් වෙත කියා සිටියේය.
එක්සත් ජාතික පෙරමුණු ආණ්ඩුවක කටයුතු පිළිබඳව මේ වන විටත් සාකච්ඡා ආරම්භ වී ඇති බව කී මන්ත්‍රීවරයා ලබන සතියේ අමාත්‍ය මණ්ඩලය දිවුරුම් දෙනු ඇති බවට විශ්වාසය පළ කළේය.
Facebook Comments
