සති තුනකින් උත්තර නැතොත් ගෝඨා නැතිවම නඩු ඇසෙයි

0

හිටපු ආරක්ෂක ලේකම්වරයාට එරෙහිව පවරා ඇති නඩුවලින් නගා ඇති චෝදනා වලට සති තුනක් වග උත්තර ගොණු නොකළ හොත් චුදිතයා නොමැතිව නඩුව විභාගයට ගැනීමට එක්සත් ජනපද අධිකරණය කටයතු කරනු ඇත.

බොහෝ විට එම නඩු විභාගය ඒක පාර්ශවීය නඩු විභාගයක් වනු ඇති බවටයි ගෝඨාභය රාජපක්ෂට එරෙහි දෙමළ ජාතික රෝයි සමදානාම් වෙනුවෙන් නඩුව ගොණු කරන ලද නීතිඥයා පෙන්වා දෙන්නේ.

එසේ ගොණු කරන ලද නඩු විභාගයෙන් හිටපු ආරක්ෂක ලේකම්වරයාට වින්දිතයන් හට වන්දි ගෙවීමට නියම වුවහොත් එය ගෙවිය යුතු අතර එය පැහැර හැරිය හොත් ඔහු සතු ඇමරිකාව ඇතුලු බටහිර රට වල ඇති සියලු වත්කම් වාරණයට ලක් වන බව හවුස්ෆෙල්ඩ් ජාත්‍යන්තර නීති සමාගමේ නීතිඥ ස්කොට් ගිල්මෝර් ප්‍රකාශ කළේය.

ස්කොට් ගිල්මෝර් වොෂින්ටන් ඩීසී මුලස්ථාන කොටගත් ජාත්‍යන්තර මානව හිමිකම් නීතිඥයෙක් වන අතර ISIS ප්‍රාණ ඇපයේ සිටි ජේම්ස් ෆෝලි ගේ පවුලේ සාමාජිකයන් සහ බේබි ඩොක් ඩුවලියර් ගේ හයිටි වින්දිත්‍යන් ඇතළු ලොව පුරා වධහිංසාවන්ට හා යුද අපරාධ වලින් පීඩාවට පත් වූවන් නියෝජනය කර ඇත්තෙකි.

සන්ඩේ ටයිම්ස් මාධ්‍යවේදිනි මාරි කොල්වින් මරාදැමීම සම්බන්ධයෙන් සිරියාවේ අසාද් පාලනයට එරෙහිව පැවරූ නඩුවකින් 2019 ජනවාරියේ ඇමරිකානු ඩොලර් මිලියන 303.6 ක් දිනා දීමට ඔහු සමත් විය.

ඇමරිකා එක්සත් ජනපදයේ විවේකය ගත කරමින් සිටියදී දී තමන්ට විරුද්ධ නඩුකර දෙකක නොතීසි බාර ගැනීමෙන් අනතුරුව ගෝඨාභය රාජපක්ෂ 12 සිකුරාදා කොළඹට ගොඩ බසිනු ඇතැයි අපේක්ෂිතය.

සිය පියා නමින් කටුගෙයක් ඉදිකිරීමේදී රුපියල් තිස්තුන් කෝටියකට අධික රජයේ මුදලක් වංචා කළ බවට නැගෙන චෝදනාවක් විභාග කරන ත්‍රිපුද්ගල විශේෂ මහාධිකරණය හිටපු ආරක්ෂක ලේකම්ට විදේශ ගතවීමට අවසර ලබා දී ඇත්තේ ඒ දක්වා පමණි.

Facebook Comments

wedding people