පොහොට්ටුවට යට වෙන්නේ නැහැ – දුමින්ද දිසානායක

0

තම පක්ෂය ශ්‍රී ලංකා පොදු ජන පෙරමුණට යටත් වීමට සුදානම් නොමැති බව ශ්‍රී ලංකා නිදහස් පක්ෂ හිටපු ලේකම්වරයෙකු ප්‍රකාශ කර තිබේ.

ශ්‍රීලනිපය මේතාක් ජයග්‍රාහණය කරන ලද්දේ සන්ධාන ගතවිමෙන් බව පෙන්වා දෙන පාර්ලිමේන්තු මන්ත්‍රී දුමින්ද දිසානායක ඉදිරියේදී ද එවැනි පුඵල් සන්ධානයක් සාදා ගැනීමට කැමැත්තෙන් සිටින බව ද ප්‍රකාශ කළේය.

සන්ධානයක් හදා ගන්න තමයි අපි පොහොට්ටුවත් එක්ක සාකච්ඡා කළේ. හැබැයි පොහොට්ටුව කියන විදියට ශ්‍රී ලංකා නිදහස් පක්ෂය පොහොට්ටුවට යට කරන්න අපි සුදානම් නැහැ. යි හෙතෙම කියා සිටියේය.

ශ්‍රීලනිප අනන්‍යතාවය ආරක්ෂ කර ගනිමින් සියලු පාර්ශව සමඟ සන්ධාන ගත වීමට සාකච්ඡා සිදු කරන බව කී මන්ත්‍රීවරයා එහිදි කිසිඳු පක්ෂයකට යටත් නොවන බව ද අවධාරණය කළේය.

ජනාධිපතිවරණය හෝ මහ මැතිවරණය ශ්‍රීලනිපයේ සහාය ඇතිව ජය ගත නොහැකි බවට විශ්වාසය පළ කල මන්ත්‍රී දුමින්ද දිසානායක තම පක්ෂය තීරණාත්මක බලවේගය වී ඇති බව ද පෙන්වා දුන්නේය.

ශ්‍රී ලංකා නිදහස් පක්ෂ ඉදිරි ජනාධිපතිවරණ අපේක්ෂකයා ලෙස මෛත්‍රීපාල සිරිසේන ජනාධිපතිවරයා ඉදිරිපත් වන බව ද දුමින්ද දිසානායක මන්ත්‍රීවරයා වැඩි දුරටත් කියා සිටියේය.

Facebook Comments